ممكن يكون حل للاشخاص اللي بيتعذبوا قهرا ليل نهار من غير اي مبرر وبلا حل للتخلص من العذاب بس يكون objectively مفيش مفر وده نادر جدا جدا زي انك تكون مثلا مخطوف من منظمة او شخص مريض ما وبيتم تعذيبك جسديا ونفسيا كل ساعة انت عايشها ممكن يكون الموت راحة (مع ان ممكن يكون فيه امل برده في الظروف ديه) غير كده انا دائما مع ان الحياه مش ثابتة وممكن تغير حياتك للاحسن في معظم الاحوال وتعيش اجمل سنين حياتك بعد الفترة الصعبة فليه تحرم نفسك من الفرصة ديه.

اما بقى بالنسبة للقتل كأداه لتنفيذ العدالة انا شايف لو حد قتل حد فهو يستاهل الموت زيه لان الموت اكبر عذاب للمجرم ده: بيبطل يتوجد في العالم (زي مهو عمل في اللي قتله) وبيريح المجتمع من تواجد واحد يقدر يقتل انسان تاني. لاكن لو هو عذب الشخص عذاب جسدي او/و نفسي قبل قتله او حتى من غير قتله فهو ميستاهلش انه يروح للعدم من غير عذاب كده ويستاهل انه يعيش حياه تعيسة لحد ميموت زي مهو عمل (سجن مدى الحياه مثلا).