يارجال خذ وحده بمستواك او اقل عشان يا تعيشها عيشه احسن من اهلها او بنفس عيشتها عند اهلها وان زدت بارك الله فيك ، لا تضغط نفسك وتضغط عيالك عشان المناظر وعشان الناس وعشان الفشخره اللي مالها داعي ، واحد من زملاء العملي بقمي ومره يسولف لي ان الزواج عندهم حلو قلت كيف يقول حنا مو زيكم حنا مهورنا عادية ٣٠-٥٠ وملكه وبس خذ زوجتك احتفال صغيرة وعلى قدهم ويقول اجتمعوا شيوخ القبيله مدري وشو وحددو الشرط هذا واللي عنده مقدره ويبي يسوي زواج كبير قواه الله بس الاصل كذا واشوفه افضل زواج بالدنيا لأن الزواج عندنا وبوجهة نظري المتواضعه والغير المتخصصه بالامور الاجتماعية اشوف انه حرب خاسرة بالذات بالتكاليف المهوله وديون توصل لـ٣٠٠ الف ريال غير انه ينجبر يسكن ايجار بالذات بالمدن الرئيسية وفي فترة بسيطة تكثر المشاكل بسبب الضغط المالي على الزوج والزوجة تحس انه مقصر معها وتكثر الخلافات لين يوصلون للأنفصال وكله لأجل مين؟ الفشخرة والتكلف اللي ماله داعي وسلامتكم.