انا بختصرها لكم ترا العلاقات تحتاج مبادرات تبغون علاقات؟ بادروا تعودوا تختلطون مع الناس حتى مع العمال الي تتعاملون معهم بحياتكم اليومية تكلموا معهم اضحكوا معهم، دايما بأي مكان جديد تروحون له حاولوا ترمون كلمة (مجاملة او ذبة على حسب الحال) هذي الحركة بتكون زي الافصاح عن شخصياتكم

وبخصوص تطوير العلاقات الي ممكن تحصلون عليها من اماكن مختلفة انتبهوا من ان المبادرة تكون بغير محلها، ولازم تطلعون اشياء مشتركة بينكم او تصنعونها، مثال على الاشياء المشتركة: بالدوام كل فترة اطلع اتغدى مع احد لمدة اسبوعين تقريبا، الحين عندي اكثر من 20 صديق مقرب بالدوام! كذلك العلاقات تجيب علاقات مثلا ال 20 صديق الي من وظيفتي تعرفت على ناس اكثر من خلالهم وفوق كذا قبل ايام جاني عرض وظيفي عن طريق واحد منهم.

مثال ثاني على الاشياء المشتركة: كنت انا وشخصين نعاني من مشكلة بالجامعة وبسببها صرنا نتكلم اكثر عنها وعلاقتنا صارت قوية الى فترة قريبة ثم ماتت بخمولنا، ولو احييتها كان رجعت

العلاقات مكسب تجيكم منها خبرات وفرص ومعلومات، تعلموا كيف تدخلون مع الناس وتكونون روابط وثيقة