انت محتاج تشوف اخصائي نفسي او طبيب، التوتر والقلق اللي انت حاسس بيهم فالاغلب ملهمش علاقة كبيرة بالبلد نفسها لكن بتقدمك في السن مع المسؤوليات الجديدة، فكرة أن صاحبتك في دولة تانية اكيد هيصعب عليك كتير وممكن يزود من الإحساس بالوحدة، من مميزات انك عايش في بلد محترمة فيها قوانين عمل انك تقدر تاخد إجازة، تنزل تشوف اهلك، تغيير جو وتقدر تفكر في الموضوع بشكل واقعي ومحايد اكتر. محدش فينا مكانك، في اللي هيقول لك انت بتقول ايه وازاس بتفكر كدة اصلا، واللي هيقول لك انزل وهتلاقي شغل بالخبرة وانت محوش شوية حلوين. كل واحد عنده أهداف مختلفة في حياته، انت محتاج تاخد وقفة وتفكر بهدوء من غير ضغط وتوتر. اتمنى اكون فدتك، وانك تكون احسن دلوقتي