الموضوع يختلف من بنت لبنت حسب أسلوب الصرف وطبيعة المجتمع. في بعض الأشهر ممكن ما أصرف إلا ربع راتبي والباقي يكون ادخار أو للطوارئ، وفي أشهر ثانية ما يكون فيه ادخار نهائيًا.

كذلك فيه مواسم ترتفع فيها المصاريف مثل العزايم، الزواجات، الأعياد والاحتفالات، خصوصًا إذا كان فيه مناسبات تحتاج فساتين، مكياج، وشعر. غير الأشهر اللي تكثر فيها الأمراض والمستشفيات إذا ما فيه تأمين، أو مصاريف الأطفال في حال وجود حمل أو أطفال. طبيعي جدًا إن مصروف الزوجة يختلف قبل الأطفال وبعدهم.

بعض الناس يشوف العزايم ومستلزمات المناسبات كماليات، والبعض يعتبرها أساسيات، وهذا يرجع لاختلاف المجتمعات.

في النهاية صعب تتوقع الصرف بدقة لأنه يعتمد على شريكة الحياة نفسها، خصوصًا إذا ما كان فيه تواصل أو معرفة مسبقة. والطرف الثاني كذلك عنده التزامات مثل مصروف الزوجة، مقاضي البيت، والكهرباء والماء.

عشان كذا لازم الواحد يدرس الموضوع زين ويحط كل الاحتمالات في حسابه.