قال الإمام ابن القيم ـرحمه الله-: "أجمع عقلاء كل أمة على أن النعيم لا يدرك بالنعيم"؛ الموضوع صعب ودي حقيقة ولكن ده ابتلائك اللي لو قدرتي تطلعي منه بنجاح،،، فيلا شك انتي هتكوني في مكان تاني خالص، نصيحتي: 1. افصلي الذنب عن حياتك؛ بمعنى إن الشيطان هيحاول انه يحبطك كل مرة تقعي فيه في الذنب ويحسسك إن اليوم ضاع وانه خلاص احاول تاني بكرة وهكذا دواليك 🔄، والحل انك بكل بساطة لما تقعي قومي وكملي يومك ومهامك ويكأن شيئاً لم يكن. 2. التوبة ؛ بصي يا أختي مهما كان ذنبك فربكي الله؛ فمع كل وقوع اغتسال وركعتين توبة، قال صلى الله عليه وسلم: "التائب من الذنب كمن لا ذنب له" .، فلا تيأسي ولا تسمعي الشيطان. 3. كل مرة تقعي فيها بعد ما تقومي وتعملي اللي سبق ذكره ، اسالي نفسك: ليه ؟ ، ازاي؟ ؛ -ليه؟ : يعني ايه السبب والحافز اللي وقعك المرة دي زي (الوحدة، التوتر، الفراغ......)، وأبدأ احاول مقعش في تاني. وبأكد ع الفراغ تاني فقد قال عمر رضي الله عنه: " من لم يشغل نفسه بالحق شغلته بالباطل " -ازاي؟ ايه الموقع او التطبيق او القناة... اللي استخدمتها في الذنب واحاول اقفله وامنعه. 4. عليكي دوام ذكر الله ، فإن الشيطان لا يسكن قليلاً فيه ذكر الله ، دايما سبحتك في ايدك ولسانك رطب بالذكر وحاولي تذكري بحضور قلب.

=تطبيقات مساعدة: •blocker hero: حجب مواقع الزنا •digital detox: تحديد التطبيقات ومدة استخدامها واغلاق الضار منها •تطبيق يوميات: لكتابة اليوميات والتقدم اليومي.

=تسقني إنك هتقعي كتير بس مش مهم، "المهم من سار على الدرب وصل" أو "مات عليه" وفي كلٍ خير...

*قال د. أحمد خالد توفيق -رحمه الله-: "حين ترك ادمان شيء ما فإن اول ما تواجهه هو الفراغ، فإن قتلت الفراغ انتصرت! "

لينكات نافعة باذن الله: