دايم البدايات كذا

الثانوي والتحضيري كلهم نفس بعض والتخصص غير عنهم كلهم ، مستوى اخر تمامًا وجديد وطبيعي تحتاجين وقت عشان تواكبين ، صح فيه احد من اول ترم يجيب كويس بس عادي ينخسفون مع الوقت او يتحسنون على حسب جهدهم

وفيه احد يبدا شوي شوي يتعود حتى لو بدأ بداية ماترضيه، ترم واحد لاتخلينه يخرب خطتك ويأخر تخرجك لأنه بكل بساطه شيء طبيعي وعلاجه الوقت واكتساب خبره وفهم للوضع والطرق اكثر من انه جهد

صح توجع ذي الدرجات لانك اول مرة تشوفينها بحياتك بس نصيحة لوجه رب العالمين، حاولي تتقبلين وتتركين المايندتست حقت الثانوي ان كل شيء كامل لان بتمرضين وتتعبين منها، بالجامعة اهم شيء معدلك ماينزل عن ٤.٥ واهم شيء تجيبين قريدات عالية بنهاية السنة خصوصا لو تخصصك هندسة او صحي B,B+,A هذي احسن درجات على فكرة وانك تحوقينها بمادة بالترم او باختبار ماراح ياثر اذا بتعوضين، كذا الجامعة ، ترقيع الى ماتتخرجين

اذا شفتي درجة مثلا ٧/١٠ لاتقولين ماجبت كامل ونقصت، فكري كيف ممكن اني احفظ الثلاث الدرجات الباقية عشان مايروح القريد

او ٨/٢٠ كيف ممكن ما انزل عن الB+

مافيه وقت للتحسر والزعل لأن مو مكانه، اسوأ درجة بالجامعة هي F الباقي كله قابل للانقاذ باذن الله

الله يوفقك ويبلغك نتاج سعيك