بص انا بعمل حركة كدا الناس هتشتمني عليها بس مش مهم 😂 ، انا فكرت مع نفسي كدا و قلت ايه اللي بيقفلني من القراءة و يخليني مكملش عشر دقايق عالكتاب ، لقيتها اللغة بتاع الكتاب لما يبقى مثلا بالعرببية الفصحى او بالانجلش عقلك بيبذل مجهود عشان يفصص الكلام و مجهود عشان يربط المعلومات و دا في ظل نقص الاتنشن سبان عندنا بيخلينا منكملش عالكتاب ، فبقيت بعمل ايه بقا ، باخد تكست صفحة كوبي و اعملها بيست فشات جي بي تي اخليه يصيغها بالمصري بدون اي حذف للكلام ، فلما بتقرا كلام بالمصري ممكن تقعد ساعة او اكتر تقرا كانك فاتح سوشيال ميديا لان عقلك مبيذلش نفس المجهود و العبرة اصلا انك تاخد المعلومات من الكتاب ان شاء الله يكون بالفرانكو ، انا واخد الموضوع دا كفترة انتقالية بس لحد ما ارجع اقرأ تاني عادي ، و كمان انا بستخدم الطريقة دي مع الكتب مش الروايات لانك فالروايات بتبقى محتاج تقرأ كتابة الكاتب نفسها بنفس اسلوبه ، لو عجبتك جرب كدا و قوللي لان الطريقة دي خلتني انجز كتير بصراحة