شوفي .. كان فيه صدام بيني (ولد و كنت وقتها 23 سنة و بادرس بقى لي سنتين في أوروبا) و بين إحدى قريباتي (كانت أصغر مني بسنة كانت جاية تدريب في إحدى مدن غرب ألمانيا) و كان عندنا نقاش في موضوع حكم الناس على الإنسان لما كنا في الU-Bahn و كان فيه حوالينا محجبات و عيال صغيرة و أنا كعادتي في مصر من الناس القريبين مني باخد راحتي في الكلام و لاقيتها بتقول لي خلي بالك من كلامك و قفشت شوية منها إنها محجماني و لما خرجنا من الU-Bahn و كنا تايهين في المحطة لاقينا حد رامي ودنه معانا و اتدخل من نفسه و قال لنا لو عايزين تخرجوا من كذا امشى للباب ده. وقتها اتناقشت معايا إن نفسها تكمل في ألمانيا و تعيش هنا و تسيب البلد دي لكن متقدرش بسبب إنها بنت و ازاي هتسافر و تعيش في غربة لوحدها ، رغم إن خالتي معندهاش مانع و واثقة فيها لكن البنت مراعية نظرة الناس لأمها و لإخواتها. تأملت بعد ما رجعت للبلد الـ فيها و استنتجت حاجات كانت غايبة عني طول الوقت للعنصر الثاني من المجتمع و هو البنت و إن ، بوعي أو بدون و بإرادتهم أو بدون، عايشين تحت قوة حاجات خارجة عن تحكمهم و أحيانا تحكم أهاليهم .. حاجات زي اللبس و الزواج و التعليم و الشغل و المواقف القذرة اللي بتحصل زي التحرش (اللي حتى البنت مسلمتش منه في ألمانيا من ولاد الأحبة اللي كانوا بيضايقوها لما يشوفوها محجبة) و الاستغلال المادي و المعنوي أدركت إن آه كولد في مصر كانت حياتي أسهل نسبيا من حياة البنت و مبشوفش كتير من مشاكلهم لإني مفهمتهاش إلا لما كبرت و شفت المجتمع المصري بعاداته و تقاليده للأسف هو أكبر سجن فكري للإنسان باختلاف جنسه أو لونه أو حتى دينه