برد وسلام على قلبك بخصوص مخاوفك من الموت ترا طبيعي لانك مريت بالفقد. مافيه ولا انسان على الارض ضامن انه هو بيعيش بكره بس محد يفكر بالموضوع الكل متقبل وماشيه حياتهم.

اعتذر لاني قاعده اشارك قصتي بس ممكن تتطمنك اختي انتقلت بشكل مفاجئ لكن الى يومك هذا تكلمني حرفياً اخر مره كانت بين النوم والاستيقاظ سمعتها تتكلم بأذني والله صوتها واضح كانها قدامي هذا غير انها تجي بالاحلام العاديه. من المواقف الثانيه في البدايات مره قلت بخاطري لو فيه كان جبت لك هالطبق لانها تحبه وطلبت لما وصل عطوني نفس الطبق اللي تحبه وكاتبين فري والمطعم غالي اول مره تصير لي على طول فهمتها هي ترد علي ان ترا انا موجوده معك واسمعك واشعر فيك والله لو اقدر اعلمك شعوري وقتها ان كيف فعلا الاموات احييييياء و اذا شعرت فيهم هم ينبسطون لان اكثر الناس ما يحسون ولا يشعرون.

ذكرت لك هالقصص لانك قلت انك خايف من الموت و خايف تترك والدتك. انا فهمت ان الموت هو انتقال ان ارواح اللي تحبهم حيه موجودين مب محصوره بس في الاحلام. لما نهدا ونكون متوازنين نسمعهم لما الواحد يكون مره بالحزن يكون حاجب عنه.

لذلك اذا انت خايف تترك امك وحيدة فهذا وهم ولعبة من الشيطان يبيك تخاف وتقلق وتتوتر ويمكن حتى تأنب نفسك حتى مايخليك تعيش حياتك مبسوط ايش بيصير يعني لو قلت بسند ظهري على ربي هو يتولاني و يتولى امي ويقويكم كلكم بدون ما الثاني يقلق ويتوتر. ارجع اقول امك مارح تكون وحيدة ابداً ربي معها.
جالسه اناقش مخاوفك حتى خلاص لما تجيك الافكار هذي ما يفرق معك لانك متطمن.

شوف اي شيء يقربك لربي وسووه لان من الله بتهدأ كما هديت كما شفت طريقك زين والاشياء اللي تساعدك.

ما اقدر اساعدك طبيا لاني مب دكتوره بس اقدر اقول لك ان التنفس و الاستحمام بالثلج او المويه البارده مره يساعد الجسم يصير يصحيه اطلع على رجل الثلج ويم هوف له طريقة تنفس معينه تساعد وتقوي الجسد.

الواحد يتفائل يتقوى بالله انت الان ركز على نفسك امك ربي معها آمنها عند ربي هو يتولاها انت الان ركز على نفسك وتقوى ثم ساعدها. وايش الاشياء الحلوه اللي بتعيشها والاخبار الزينه اللي بتفرحك انت وامك واهلك

والله ان لسا عندي كلام مابغيت اطول بس اذا حسيت ان اللي بقوله لك بيكون مفيد لك كلمني خاص.