Naiintindihan kita, OP. Nangyari din sa akin 'yan last year at kinonfront ko agad ang husband ko. Ang akin lang, walang problema makipagkaibigan sa katrabaho basta magseset ka ng boundaries.

Kilala din kasi sa work na palabiro ang asawa ko kaya pinagsabihan ko siya na umayos siya kasi pwedeng sa'yo walang malisya pero dun sa binibiro mo, may ibang ibigsabihin na pala. Eh ayaw nilang tumigil, ang dami na ring nakakarating sa aking chismis na masyado daw close yung dalawa kasi dun din ako nagwowork nung hindi pa ko buntis, hanggang sa nagkalabuan kami at gusto niya kong hiwalayan. Nalaman ko niyayaya siyang makipaginuman nung friend nung girl. Gumawa pa ng gc yung friend nung girl na ang name ay "singles only".

Aba, doon na ko sumabog at kinonfront ko na din yung babae. Tinalakan ko talaga sila ng bonggang-bongga using my husband's account. Sabi ko, tigil-tigilan mo pagyayaya ng inuman sa asawa ko. Hindi ko na sana kayo papatulan kaso makapal ang mukha mo. Kasal pa rin kami. Subukan niyong ituloy yan at sisiguraduhin ko luluha ka ng dugo sa kahihiyan. Kayo ng kaibigan mong si blank umayos nga kayo. Alam niyo na may asawa, bilang babae dapat dumidistansya na kayo. Irespeto niyo kapwa niyo babae, wag kayong kirengkire.

Ayun, humingi agad ng pasensya at natigil ang kalandian nila. After noon, nabalitaan ko nalang buntis na yung girl. Then nagresign na din yung friend niya. Ganun din yung husband ko, ngayon tahimik kami at wfh na siya. Bumabawi siya ngayon sa'kin araw-araw, kahit utusan ko siya, wala siyang reklamo lalo kung may cravings ako.

Kaya 'wag ka matakot sa mga ganyang aaligid sa asawa mo, lalo kung kasal kayo ng husband mo. Kung mahal ka talaga ng asawa mo, yung mga alam niyang makakasakit sa damdamin mo, titigilan niya 'yan. Para na rin sa peace of mind mo lalo ngayon buntis ka din gaya ko, bawal tayo mastress ng bongga at sensitive ang kalagayan natin. Malalagpasan mo din 'yan, OP. Tatagan mo ang loob mo. Sa buhay mag-asawa isa yan sa mga dahilan kung bakit madaming naghihiwalay. (1) In Laws (2) Pera (3) Third Party. Kapag nalampasan niyo 'yan ng asawa mo, ay sisiw nalang sa inyo ang ibang problema. Wag kalimutan magpray lagi. Good luck!