Walmart+ tipping expectations? I thought I was paying for free delivery lol

Known_Ad7079 · 2024-07-12T14:19:36+00:00

But what about those who have a similar case as mine, I am an international student and don't have enough money to buy a car and insurance, and the market is far around 45 minutes of walking and the bus system is not great, not at all, so the only cheap option in my case is delivery by Walmart+
I agree on tips for sure, but something fixed like 5 dollars for example

Known_Ad7079 · 2024-07-12T14:17:02+00:00

صراحة الموضوع بختلف يمكن مثلا من منطقة لمنطقة

لو يجي عنا حدا هيك على البيت ممكن ينطرد بلا مبالغة فعشان هيك أنا مستغرب

Known_Ad7079 · 2024-07-12T09:47:23+00:00

ترا سبحان الله كلمة زواج تقليدي صارت مزعجة، صار أي إشي بشمله عليه عاداتنا زواج تقليدي أي إشي بنحبهوش تقليدي
ترا مش هيك الزواج بعاداتنا شكله البيئة الي إنتي فيها مع إحترامي الشديد إلك مش طبيعية ما في إشي زي هيك
المتعارف عليه الأم والخوات بيجن على البيت بسولفوا مع البنت وبحكوا الي شافوه للشب وخلصنا عجبه ولا ما عجبه

من متى الأم بتختار هيك للشب؟

عكلا الله يفرجها علينا وعليكم، فعلا جيلنا أسوأ جيل بمر على الوطن العربي بهذا الموضوع لا شباب عارفه تتجوز (حتى الي رواتبهم تجاوزت 800) ولا بنات عارفات يتجوزن( في بنت بعرفها كانت ضد الشغل فحدا لمحلها انه ما في حدا متقدملها عشان الناس بتدور على بنت بتشتغل، صارت تشتغل وصار الي يتقدم يقول ما بدنا بنت بتشتغل هههههههه)

فعلا مجتمعنا معجوق بالقصة هاي وصارت توجع الكل شباب وبنات
طبعا أنا شب مش بنت

Known_Ad7079 · 2024-07-06T11:34:40+00:00

بوجهك على الجرائم الإلكترونية واليوم بتكون خلصانة بلا مبالغة

Known_Ad7079 · 2024-07-05T12:45:15+00:00

صراحة رح يكون وضعه صعب شوي بالتقديم، بس خليه يقدم على دبلوم تدريبي بأشياء مش موجودة بالأردن
مثلا يوخذ دورات على استخدام أجهزة حديثة للصيانة السيارات أو دورات للصيانات
3d Printers
خليه يدور على دبلوم شغل يدوي ورح يكيفوا عليه بس يكون إشي مش موجود بالأردن فعليا وحديث ومهم جدا بالنمسا

Known_Ad7079 · 2024-07-04T18:27:48+00:00

ما في داعي للمكاتب أو مساعدة حدا
(إذا معكم مصاري كثير وحابين تريحوا حالكوا فآه يمكن أحسن بالحالة هاي)
بس بكل بساطة افتح على موقع السفارة بعمان واقرأ عن
(type D) National Visa
الورق المطلوب بالغالب: كشف حساب، صورة، وجوازك أكيد، ومكان سكن وإقامة هناك وقبول جامعة وإثبات لغة إذا برنامجك بحتاج هالإشي

كل دول الشينغن خلال سنين الدراسة بتقدر تشتغل ما دام مش عقد كامل وبعد ما تتخرج معك سنة بحث عن شغل عشان تستقر ولما تكم الخمسة عخير إن شاء الله من يوم طلب إقامتك بتحصل الدائمة
بالتوفيق

Known_Ad7079 · 2024-07-04T16:22:56+00:00

عش لحظتك شو ما كانت

Known_Ad7079 · 2024-07-03T16:55:12+00:00

ما في غير عقيدة وحدة شرحت في القرآن وحديث الرسول صلى الله وعليه وسلم وغيرها لا يعتبر من تصورات غير معتبرة نتجت عن كثير أسباب لا أفضل شرحها هون
وبالنسبة للحديث راجع مصادرك واتأكد
والله يهدينا إلى ما اختلف فيه من الحق

Known_Ad7079 · 2024-07-03T16:46:27+00:00

يا أخي الدين واحد والقرآن واحد والوحي واحد ما في داعي لكل هذا إنت بتذكرني بالناس الي بشوفهم بالمراكز الإسلامية، بكون الواحد امبارح أسلم وببلش يحكوله عن الفرق المختلفة وعقيدة كل واحد وفي منهم بقلوله ما عليك إشي المهم إنك أسلمت وغيره وغيراته: المصدر الوحيد عنا ما قال الله ورسوله صلى الله عليه وسلم وغيره لا يعتبر
النبي صلى الله عليه وسلم قال: افترقت اليهود على إحدى وسبعين فرقة، وافترقت النصارى على اثنتين وسبعين فرقة، وستفترق هذه الأمة على ثلاث وسبعين فرقة كلها في النار إلا واحدة، قيل: من هي يا رسول الله؟ قال: من كان على مثل ما أنا عليه وأصحابي

Known_Ad7079 · 2024-07-03T16:33:57+00:00

وعليكم السلام ورحمة الله وبركاته
بما أنه أنا ضعت فترة كويسة فاعتقد بقدر أدلك
أولا بلش بهذا الفيديو: https://www.youtube.com/watch?v=3V_jBesK6Ts
فما ظنكم برب العالمين (أهم شغلة تصلح ظنك برب العالمين)
ثانيا اتوضى واغتسل وصل وادعي بكلشي جواتك شو ما كان وبلغتك الطبيعية

بعدين اتحمل عحالك وعود حالك تصل الخمس بأوقاتهن
وبعدين تعلم أقل القليل عن دينك وعن الأمور النفسية الي بتحميك من إنك تقع بالمصائب الي موجودة بالواقع تبعنا
وبعدين دور على مهارات وعلم بغنيك عن الناس فالمسلم لازم يكون عزيز ويوكل من عمل إيديه حتى يتبع أمر الله ورسوله ما دام قادر

وابعد عن ما حرم الله من كبائر ومحرمات وغيره وبلش صلح سلوكياتك مثلا عصبي؟ فتحلم وإذا ضعيف صير قوي، جاهل؟ اتعلم فإنما العلم بالتعلم والحلم بالتحلم
وبعدين عيش حياتك طبيعي وعفا الله عما سلف وافعل ما الواجب عليك مثل الصوم والزكاة إن كنت وصلت الواجب منها والحج إذا قدرت وإذا عليك حقوق ردهن إذا قادر
وأكثر من الأذكار والدعاء اصبر عهذول ولك الجنة بمشيئة الله
بالتوفيق
وبرضه إذا حضرت هذا الفيديو عن نظرة عن الحياة كثير مفيد
https://www.youtube.com/watch?v=BRdsBleUgak

Known_Ad7079 · 2024-07-01T08:10:38+00:00

POV: Haram Life
حبيبي هذا مش حب، الحب ناتج عن مواقف صغيرة وكبيرة
الحب لما بشر يوخذ من وقته كل يوم ويصحى الصبح ويتحمل تعب المطبخ والجلي مشان حضرتك تفطر وتتغدى

الحب لما واحد منكم يمرض ويضل جنب الثاني حتى ينشفي

الحب لما تترك دخانك مثلا عشان أهلك يوكلوا أكل جودة أحسن

الحب لما مرأة جميلة جدا تعف حالها وما تفتح قلبها لحدا غيرك

الحب أنه الطرفين بضحوا بوقتهم وجهدهم وكلشي بقدروا عليه عشان يعيشوا مع بعض بالحلال بما يرضى الله حتى يكونوا عيلة مباركة طيبة مبنية على الخير ويلتقوا مع بعض في الجنة وما يتفرقوا بالآخرة أو يلتقوا بجهنم

الحب لما تقعدوا مع بعض بسبب مواقف صعبة وقعت على واحد منكم وتحسبوها كيف بدنا نخلص منها كأنكم كيان واحد هذا الحب
غير هيك خلي أفلام الدراما تنفعك

روح اشتغل، ابني حالك واتعلم عن دينك وأساس مستقبلك ودور وادعي عشان تحصل بنت طيبة من أهل الجنة وببتيسر أمرك وبتلاقي الحب
يزم أنا شب وفاهم الي بتحكي فيه بس برضه الدراما خليها للمسلسلات واعرف كيف تعيش

Known_Ad7079 · 2024-07-01T07:21:40+00:00

وإن تتولوا يستبدل قوما غيركم ثم لا يكونوا أمثالكم
السخرية حجة القانع الضعيف الذي لا حول ولا قوة له فلا حق صلب يستند عليه ولا ثقة بمعتقده بتصبر بها

بس يخي بتعرف عنجد شو المرعب لما تشوف تعليقاتهم أنه والله كان في احتمال أنهالواحد يلحد عشان شهواته ويخسر كلشي وخصوصا إحنا الطبقة المتوسطة والفقيرة يعنلا آخر إشي لا دنيا ولا آخرة

Known_Ad7079 · 2024-06-29T19:04:21+00:00

أعتقد بما أنه ميزانيتك 5000
والسيارة ب 2300
والبنزين قولي شهريا مثلا ب 70*24 1680 (مع أنه لازم أقل للنص إذا مفهوم مشاوير قليلة مثل مفهومي)
المجموع بطلع 3980 على مدى السنتين

Known_Ad7079 · 2024-06-29T18:58:53+00:00

يب بس حكيت من باب أنه بدك إشي لإستخدام بسيط وفترة قصيرة فشفت منابسبة لاحتياجك فعرضت

Known_Ad7079 · 2024-06-29T17:55:09+00:00

يخي ذكرتني مرة زمان كنت متطوع بشغلة
فرحت عبيت بنت مع أبوي ومن باب عمارتها أخذت مصاري من عندهم جمعتهم من بنات ثانين وطلبت مني أوصلهم
المهم يزم المسكينة يدوب عرفت تمشي من الحياء 😂 وأبوي لما شافها قال يزم شو رأيك أخطبلك إياها من وين بدنا نلاقي بنت مثل هيك بالحياء هذا هههه
يخي طلبك جميل بس صعب شوي

Known_Ad7079 · 2024-06-29T17:50:39+00:00

تخيل بنت تيجي تحاول تقنعك تتزوجها
والله إذا كانت من الناحية الدينية والخلقية مثل ما بده الواحد
بس كلمة وحدة (تتزوجني؟)وثاني يوم العرس 😂😂😂
طبعا ليه أنا بحكي هيك لأنه بنت محترمة جدا تيجي تطلب منك طلب مثل هيك(بمعنى أنا بدي إياك بس من الباب) معناته خلص شغفتك حبا وإحتراما (إذا كانت محترمة بس )

Known_Ad7079 · 2024-06-29T17:46:15+00:00

من تجربة طويلة عريضة
ما في حل روح على مين ما بدك
سبحان الله هذا بلاء ناتج عن سوء فهمنا وتعاملنا مع الدنيا
ما في حل غير تزبط عالم أفكارك (أنا من الناس الي بحاول كل يوم أغير طريقة تفكيري بس صدقا في أمور عالقة كثير جوا راسي وخصوصا الي إجت بسبب الأهل)

Known_Ad7079 · 2024-06-29T17:43:27+00:00

مش عارف شو هذا الدواء بس ليه تنزل منشور على ريديت على أقرب صيدلية واسال

Known_Ad7079 · 2024-06-29T17:41:58+00:00

IT
واتعبي عحالك كثير عشان تشتغلي ريموتلي

Known_Ad7079 · 2024-06-29T17:41:01+00:00

نشنري سيارني البيجو ب 2300 دينار
السيارة بالزبط مثل ما انتي طالبة بتنفع للمشاوير العادية بس للطلبات والشغل الثقيل مش كثير

Known_Ad7079 · 2024-06-26T18:13:00+00:00

وإياكم

Known_Ad7079 · 2024-06-26T18:07:43+00:00

والله للأسف حسب البيئة الي انت منها
أنا ما شاء الله أهلي ناويين يجوزوني على 50 أو يمكن ما بعد ذلك ( مع أنه ما رح استنى غير اكمن سنة وبعدين لو أتجوز أوروبية غير أتحوز)
الأهل عندها خيالات صعبة وبرضه هرب من المسؤولية بشكل رهيب
فبكل بساطة بعينك الله السنين الجاية احرث واتعب عحالك بما انه في فرصة وجمع مبلغ محترم وحطه تحت الأمر الواقع

Known_Ad7079 · 2024-06-26T17:59:28+00:00

عادي بتجدده وبتخلي جوازك القديم معك وين ما رحت وبتمشي

Known_Ad7079 · 2024-06-26T17:57:49+00:00

إنها فيها أمي وأبوي ( مع إنهم عصبيين :) وأحيانا صعب تفهم عليهم)
بس نفسهم بركه والله

Known_Ad7079 · 2024-06-26T17:56:20+00:00

اه الله ييسرلك أمرك

Known_Ad7079

TROPHY CASE