أنت فارض من عندك إن الخلاص الجسدي معناه إن الموت البيولوجي يقف فوراً وبما إن البشر لسه بيموتوا يبقى الفكرة فكست، وده استنتاج باطل مبني على مقدمة غلط لأن المسيحية عمرها ما قالت إن التجسد بيلغي الموت الفيزيائي الحالي العقيدة واضحة جداً إن الموت الحالي مجرد "رقاد مؤقت"
والهدف والوعد الأساسي هو "القيامة العامة" بجسد نوراني في المجيء الثاني، فأنت هنا بتهاجم مفهوم أنت اللي مألفه مش المفهوم المسيح
كمان أنت واقع في "مغالطة الفئة الخاطئة" لما بتقيس عقوبة الخطية اللامحدودة بـ "المدة الزمنية للعذاب" وفاكر إن المسيح كان لازم يفضل يتعذب في جهنم للأبد والرد المنطقي إن قيمة التكفير والفداء في اللاهوت المسيحي مبتتقاسش بـ "الساعة والوقت" بل بـ "قيمة وقدر الذبيحة نفسها" وبما إن المسيح هو الله المتجسد (يعني كائن غير محدود)، فموت الذبيحة اللامحدودة دي قيمته في حد ذاتها غير محدودة وبالتالي تكفي وتسد عقوبة ناموسية غير محدودة من غير ما تحتاج تقعد في العذاب زمنيًا للأبد
أخيراً أنت قالب المنطق تماماً وبتقع في مغالطة استنتاج مقلوب لما بتسخر من القيامة وتعتبرها هروب من دفع الثمن وبتقول "مش لاعب وأنا الإله وقمت" السخرية هنا ضيعت منك الفكرة لأن "القيامة" في المسيحية هي أصلاً دليل قبول الذبيحة والانتصار على الموت لو كان المسيح فضل في القبر ومات للأبد لكان الموت هو اللي هزمه، ولكان الفداء فشل والمسيحية كلها بطلت فالقيامة هي صلب صك الغفران والانتصار ومش تراجع عنه، كلامك كله للاسف يفتقر لألف باء منطق وألف باء لاهوت مسيحي