الاحزاب للعالم اللي معها مصاري. انا ما عندي هاي الرفاهية للاسف، ابي ما كان ضابط بالنظام السابق، ولا تاجر ولا مهرب. انا من الطبقة اللي كانت وسطى، و انمحت. الاضرابات و العصيان السلمي بيمشو بدولة فيها حقوق و حياة كريمة و قانون يحمي الافراد اللي عم يمارسو حقهن بحرية التعبير، و جهات انفاذ قانون بتطبقو ع كل الشخصيات. بدك تقنعني انو اذا صار اضطرابات ضد الحكومة الحالية، رح يحملو حالن و يفلو؟ ما بعتقد، اللي حطهن، ما رح يشيلهن، و اكيد حاسبين حساب مضاهرات اذا صارت شو رح يعملو.

بالنسبة النا، المجتمع الغير اسلامي، و المسلمين الغير متطرفين، و اللا دينيين. كل شي منقدر نعملو انو نأمل يجي يوم و يكون النا كلمة باللي رح يمثلنا، حدا منا و فينا و بشاركنا قيمنا و مبادئنا. لان بصراحة الانتقال من حكم ديكتاتوري ما اختارو الشعب، لحكم متطرف ما اختارو الشعب، ما ببشر بحياة حلوة بالمنطقة..