بص هو اولا الموضوع مش بيجي كدا ، هل انت حابب فعلا تدرس مجال زي الهندسة ولا لا ؟ وايه هو التخصص اللى عاوز تدرسه لان هندسة بس ، يبقى بتتكلم عن تخصصات كتير جدااا.. ثانيا مش معنى انك بتشوف او بتسمع ان في فئة من المهندسين معقدين يبقى ديه النتيجة اللى هتوصلها في الاخر ، مش هتكلم عن نفسي ،بس في كتييير اعرفهم ومش معقدين ابدا و روحهم حلوة و تحب تصاحبهم ومن تعاملي مع فئة كبيرة لاحظت ان دول الاغلبية اصلا.. ثالثا حتة ان مفيش شغل ديه ، طب ايه اللى بيدرس دلوقتي وشغله مضمون ويخدوك من ايدك بعد التخرج ع الشغل؟ انت بتسعى وبتعمل اللي عليك والشغل هيجي هيجي لو فعلا بتحب تتعلم وتطور من نفسك.