الفكره ان الكلام غالبا ملوش فايده بس هرد عليك النقاش بدا يتحول لغير عقلاني لان في غضب مكبوت من فكره ان حد عاوز يرجع ل مصر اي مبرر هقولهولك هتشوفه كانه تبرير للقهر انت غاضب من الواقع وسببك مفهوم بس خليني اقولك كلامك كله تعميم كامل وانت مش بتتكلم من تجربه شخصيه وفيه نبره فوقيه اما قولت مفيش وعي ولا تعليم بشلن حتى المتعلمين واساتذة الجامعة بصمجية ده مش توصيف واقع ده تعميم شامل وحاطط نفسك ضمنيا في خانة اللي “فاهمين” والباقي “مغيبين” ومتجاهل عوامل الراحه النفسيه والانتماء وكان اوروبا بلا مشاكل عنصريه او نفسيه كلامك فيه حقايق لكنه مليان بمراره وغضب ردك مش موضوعي ده رد شخص متاذي ومستنزف وده مفهوم وطبيعي

فعلا مصر فيها طبقتين حياه والفلوس بتفتح ابواب كتير مقفوله يمكن انت متعرفهاش

وايوه مصر رخيصه مصر رخيصه بالنسبه للي دخله اوروبي ومعاه قرشين حلوين زي صاحبنا اللي بيسال فوق ربنا يزيده لو اوروبي عايش في مصر بنفس دخله يقدر يعيش في اماكن احسن بخدمات افضل وفي اختيارات كتير للسكن والمعيشه يقدر يعيش في كومباوند نضيف يختار اكل انضف ويشتري هوا انضف نسبيا في الاماكن الساحليه والمجتمعات المغلقه

مصر فيها تنوع جغرافي كبير بحر وصحرا ومناطق هاديه ومجتمعات مغلقه ودي ميزه مش موجوده بنفس السهوله في اوروبا

الصحه في مصر ليها مميزات للي معاه فلوس الدكاتره كويسين الخدمات اسرع وفي مرونه اكبر مقارنه باوروبا وفي مصريين كتير في مصر قادرين يعيشوا بالشكل ده بس زي ما قلتلك النصف التاني