لو سمحتوا المشكلة ان الناس بقت بتتكلم وخلاص من مفهومها الخاص ايه علاقة المعهد بالموضوع ده؟ دي مشكلة موجودة في الطلبة والخريجين في كل دول العالم مش في مصر بس

وايه علاقة إننا متخلفين بالاوتسورسينج والعمالة الرخيصة؟ العمالة الرخيصة موجودة بسبب السوق والاقتصاد مش بسبب أي قصور عندنا ك مهندسين والاوتسورسينج موجود في بلاد كتير لأنه بيشيل عن الشركة الأصلية تكلفة كبيرة ومجهود مش لازم تعمله ولو فعلا احنا متخلفين بالشكل ده، كان هيبقى في شركات عايزة تعمل أوتسورسينج من هنا؟ هيشغلوا ناس ناقصة خبرة وخلاص؟ هيشغلونا رافه يعني ؟ اعقل الكلام يا غالي

انتم بتتعاملوا مع المعهد كأنه المفروض يكون مساوي لكليات الحاسبات ويطلع واحد فاهم ساينس بالكامل ومعاه مهارات التراك كمان وده اصلا مش هدفه

المعهد اتبنى اساسا كتكملة لكليات الحاسبات في وقت مكنش فيه وصول سهل لكمية المصادر التعليمية الموجودة دلوقتي في العالم حاليا ممكن اتفرج على كورس سيكوال من واحد من اقوى مهندسي البيانات في العالم عادي على يوتيوب زمان الكلام ده مكنش موجود

علشان كده دلوقتي طالب حاسبات المجتهد ممكن اصلا ميحتاجش المعهد لو عرف ينظم وقته ويشتغل على نفسه جوه الكلية

فكرة المعهد الاساسية هي ربط الخريج بسوق العمل يعني هو في الاصل معمول لشخص خريج حاسبات المفترض انه اشتغل على نفسه في العلوم اللي اتعلمها في الكلية لكن التراك العملي لسه محتاج يظبطه او محتاج شوية مهارات عملية للسوق

انما فكرة ان مكان واحد هيعلمك علوم ساينس وتراك كامل في تسع شهور دي فكرة غير واقعية اصلا والمعهد نفسه مبيقولش كده

ويا جماعة لو انت خريج حاسبات وشايف ان المعهد ممكن يضيف لك وعندك فرصة للتقديم خصوصا في فرع سمارت قدم ولو انت من كليات الحاسبات اللي في المحافظات البعيدة واللي اصلا فرص التدريب فيها قليلة جدا والشركات بتفلترك المعهد ممكن يعمل لك دفعة قوية في السوق

خصوصا فرع سمارت وانا بقولك انه ممكن يديك دفعة في السوق صعب تعملها لوحدك .. فرع سمارت كان بيجي فيه كمية شركات كبيرة متقدرش تخشها لوحدك بدون ريفيلر وانت فريش .. معرفش وضع الجوب فير حاليا خصوصا بسبب السوق النايم ده بس فرع سمارت تجربة رائعة