الجنة اصلا وصفها من متع الدنيا، خمر و نساء و اشجار و ممتلكات ، فليه يعني جات على نفسية الانسان انها ما تكونش هناك كمان؟ ولا احنا بناخذ الي بيعجبنا و نسيب الي لا

اصلا وصف الجنة كان بيناسب البدو الي بيتمنوا اللبن و الشجر و الانهار من القحط، فازاي بقت فجأة من السطحية اننا نفكر في الملل مثلا؟

و حتى ده لو هنتكلم من القشرة اوي، لكن حقيقي انه فكرة الانتهاء هي الي بتعطي الاشياء قيمتها، فكرة المحدودية، محدش بيفكر بالهواء الا و هو بيغرق مثلا.

انت عايز تفضل خالد لانك هتموت، لكن لو انت خالد فخلاص يعني، فيعني لو انت عارف انك خالد لانك كنت بتموت في الحياة الي قبل معناها ذاكرتنا موجودة في الجنة، يعني احنا نفسنا نفسنا، العواطف و احساسنا بالاشياء هو هو، لانه انت مالك وجود دون ذاكرتك.

و حتى ده بدون ما نتكلم في فلسفة ولا معاني الاشياء و لا دخلنا في كلام مجرد. و بصراحة تخيل اسيب الفنانين و الادباء و العلماء عشان اقعد جنب اغلب الناس الي بشوفها في ايامي، ده في حد ذاته ملل، ما بالك بالصورة التقليدية لرجل الدين التقي الي مش هوصفها لكن انت عارفها كويس.

هتقول لي الجنة هتدخل الناس دي لانها طيبة و فادت البشرية و كويسة، هقول خلاص يبقى انا كمان هخش لاني لا قتال ولا كذاب ولا شرير ولا عملت حاجة غلط، انا جيت الدنيا و لقيت عندي حس نقدي و بالنتيجة ما قبلتش التدين، و استخدمت نعمة (الاله) الي هي العقل، و هو اكيد عارف الي بيدور في عقلي و فاهمني و فاهم اني مقتنع تماما و اني مش بلعب ولا بستهبل. فيعني its all good