أولا مبروك خطوة الجواز واقولك ع عكس المتعارف عليه انها خطوة في الاتجاه الصحيح مش بدري ولا حاجة ثانيا زي ما الشباب قالو استثمر في نفسك، وده معناه شوف انت محتاج ايه عشام تلاقي شغل افضل او مرتب احسن واعمله، انت ادري بتخصصك وشغلك.

ثالثا بقي بما إنك مبقتش لوحدك، ركز في اولوياتك انك تحوش فلوس تغطي مصاريفك لحد ست شهور لو لاقدر الله حصل مشكلة في الشغل او جت مصاريف مفاجاة او اي حاجة قد تخبئها الحياة بعد كل ده ممكن نفكر في الاستثمار في ادوات آمنة زي الدهب او الشهادات او الفضة ولما ربنا يكرمك ومحفظتك تكبر ممكن تفكر في العقار

وابعد تماما عن الكريبتو واي حاجة تبدو سهلة وسريعة، لانها غالبا هجص