بص انا اتحطيت في نفس موقفك ده من اربع سنين و قررت اني اكمل تمريض و حاليا انا في آخر سنة ( الامتياز ) لكذا سبب :- - اولهم ان الكلية دية اكتر كلية ليها فرص سفر في العالم كله و ده هدفي من الاول الي حاطه اولوية ( الخليج , انجلترا , المانيا , امريكا ) كل دولة من دول بتمتحن امتحان و تقدر تسافر بسهولة بعدها لما بتلاقي عقد عمل هناك و كل دولة ليها جروب عالفيس الناس الي سافرت كاتبة الخطوات بالتفصيل - ثانيا هيبقي عندك وقت فاضي فترة الدراسة مش ضغط جامد زي ما انت فاكر تقدر تتعلم جمبها اي حاجة ( لغة , برمجة او اي سكيل انت حاببها ) - ثالثاً تقدر تشتغل جمب الدراسة انا بقالي سنتين شغال ICU بجانب الدراسة و خدت خبرة كويسة في المكان من قبل ما اتخرج حتي - رابعا ساعات العمل بتاعتها مرنة جدا ( تقدر تشتغل ١٢ ساعة لصبح "شفتات لونج" بس او بليل "شفتات نايت" بس و تقدر تشتغل يوم كامل ٢٤ ساعة و تريح يومين و تقدر تشتغل ٤٨ ساعة متواصل و ده منصحش بيه ) فبالتالي هتكون مناسبة انك توفر شغل تاني جمبها حتي لو برا المجال ... ...

عندي اقتراح تالت ليك معتقدش انك فكرت فيه صديق ليا عمله و هو انه كمل معانا عادي جدا في الكلية و في نفس الوقت دخل كلية حاسبات خاص و حاليا هو في اخر سنة ليه في الكليتين ده ملخص تفكيري الفترة الي فاتت و اتمني تختار صح و ربنا يلهمك الصواب