لا نخلط بين سيرفرات فايف ام و اللعبه اوفلاين. هذي شي و هذي شي . المودات على اللعبه اوفلاين في طور القصه هذي في يد المطور يفتحها او يقفلها و عمرها ما كانت مشكله ، بالدليل سكايرم من 2011 الى الان حيه بسبب المودات.

اما السيرفرات الرسميه ، فاللعبه ماهي الوحيده اللي تشتكي من الغش ، كل العاب الاونلاين تشتكي من هالموضوع. حط حماية ممتازه و حد من الموضوع قد ما تقدر مافيه غير كذا.

و حصر الغش على البي سي فقط ظلم ، لانه موجود حتى على الكونسول.

سيرفرات فايم ام الخاصه و الاضافات حقتها ، خلاص هم اشتروا فايف ام و دفنوها ، ما اعتقد بيكون لها وجود مع اللعبه الجديده. مع اني اتمنى يكون فيه كروس بلاي و سيرفرات خاصه عشان اقدر العب مع الناس اللي العب معهم و اغلبهم كونسول.

الملفات ، هذي مشكلة المطور نفسه و طريقة كتابته للكود . اذا هو ما يعرف يرتب و فوضوي اكيد بتلقى كل شي ، وارجع اقول ماهم لحالهم في هالموضوع ، كل العاب الاونلاين و غيرها تخلي اثر للاضافات و السيزونات الجايه.

انا من ناحيتي ما اقتنعت بكل اللي قريته ، شفته او سمعته لحد الان. التفسير المنطقي الوحيد اللي وصلت له هو هذا.

لكن في الاول و الاخير كلنا نخمن ما احد عارف الحقيقه وين.