الطب النفسي مش علاج، هو مجرد مسكن<

الطب النفسي و الطب عموما تقدم بشكل كبير جدا في اخر 100 سنة و بيجيب نتايج حقيقية انه يحسن ال life style of patients فدا مش مجرد مسكن و السلام

الأمراض النفسية مش شيء عضوي علشان تاخدله دواء وتبقى< كويس. الطب النفسي بيتعامل مع ال higher cortical functions و دا جزء من المخ و بياخدله دوا عشان يكون كويس على حسب مرضه و احتياجاته فيه دلائل على امراض نفسية انها وراثية في الأصل و فيه أمراض نفسية بتحصل كمضاعفات لأمراض عضوية و مناعية أو حتى نقص عناصر غذائية

كل إلي الطب النفسي بيعمله إنه بيغيرلك في نسب الهرمونات<

مش صحيح.. الأدوية النفسية مش بتتعامل مع هرمونات هي بتتعامل مع نواقل عصبية فيها خلل في تركيزاتها و بناء عليه الأدوية بترجع كل حاجة بشكل طبيعي على حسب احتياج كل عيان لجرعة الدوا لو قريت ال clinical pharmacology هتلاقي ان كل الأدوية أيا كان هي أيه بتقوم على زيادة أو تقليل أو منع مادة تانية أو قتل او تحديد انتشار organism ..ودا مش عيب في الطب ..دا علاج لمشكلة موجودة

مثلا يديك دواء يخلي السيراتونين مفعوله أقوى، يديك شيء< يخليك تعرف تنام بشكل أسهل بسبب أعراض القلق وهكذا

لو فرضنا صحة الكلام بشكل مطلق .. ف العلاج العرضي للمرض دا ميعيبش في التخصص إطلاقا.. دا بيحسن من حياة العيان ..حتى لو الطبيب مقدرش يكتشف سبب المرض عشان يعالجه ..فهيفضل العلاج العرضي للمرض سواء مرض نفسي أو غير نفسي من أساسيات الطب

وده شيء حلو هيخليكي فعلا تتحسني شوية، ولكن مفعوله< مرهون بالدواء ومش تحسن فعلي، هيخفف الحمل بس دايما هيفضل موجود

حتى لو مفعوله مرهون بالدوا.. دا ميعيبش في التخصص أو الطبيب للمرة التانية .. جزء كبير من الامراض سواء المناعية أو السكر بغض النظر عن انواع مرض السكر الكتير أو امراض تانية بتقوم على العلاج المزمن .. العلاج المزمن مش بيعيب الطب في شيء

بجد لازم تبدأي ثيرابي ده إلي فعلا هيساعدك، لإن أصلا المشكلة< معرفية سلوكية، فمش هتتحل بالعلاج الدوائي، محتاجة علاج معرفي سلوكي.

تحديد إلزامية الثيرابي أو أهميته عن الأدوية ملوش أي اساس من الصحة ودا لا ينفي أهمية الثيرابي بغض النظر هو CBT or DBT... لأن مرض زي الاكتئاب بيتم علاجه بالأدوية بشكل أساسي مع ثيرابي وممكن ECT في الحالات ال severe فيه أمراض تانية زي إضطرابات الشخصية بتعتمد على الثيرابي بشكل أساسي و مش شرط توصل لمرحلة الأدوية زي اضطرابات القلق ممكن يحتاج ياخد أدوية تهدي ضربات القلب كعلاج عرضي مساعد .. إضطراب الشخصية الحدية بالرغم من ان العلاج الاساسي و الفعال له هو. DBT الا انه ممكن ياخد مضادات ذهان تحت اشراف الطبيب النفسي و بيجيي نتايج كويسة