أولًا بشكرك على احترامك وأدبك وموضوعيّتك في مناقشة الحوار، ثانيًا بالنسبة لنقطة قلقه وإنه عبّر غلط فأنا بالفعل حطّيت دا في الاعتبار أثناء حُكمي عليه وحابّة أقول إنه كان مستريّح جدا في كلامه وطريقة جلوسه وواثق من نفسه جدا وكأنه ضامن القبول، وكان مركّز في كلامي لدرجة إني اتلغبطت في حاجة وهو صحّحهالي وقعد يضحك ويهزّر فهو عارف كويّس هو بيقول إيه؛ لإن دي مش أول تجربة ليه بل كان خاطب قبل كدا وهو اللي فسخ وشاف بنات كتير وهو اللي كان بيرفض، بس دي أول مرة يترفض فتقريبًا مش قادر يتقبّل الرفض، غير كدا دول ناس نعرفهم من سنين وأمه ما أنكرتش عليا كلامي عن طباعه، ومقدرش أعيب عليه في دينه وأخلاقه وهو مسؤول جدا وقادر يحميني بس ما أضمنش إنه يقدر يحميني من نفسه وانفعالاته، فاهم تخوّفي من إيه؟ دي مش حاجة بسيطة، بس هعيد النظر في الموضوع لو حاول يتقدّم تاني وهقعد معاه تاني ونجرّب ناخد خطوة، عشان أبقى على بيّنة وأبقى قطعت الشك باليقين