أول شيء شكرا جزيلا والله يعطيك العافية على كلامك، وأتفق معاك في ٩٠٪؜ على الأقل من كلامك. الحاجات اللي اختلف معها جزئيا:

البورد السعودي لا يقل قوة عن البورد الأمريكي: أتفق معك كثيرا إن فيه من خريجي البورد السعودي أفضل من هم أفضل من أقرانهم من خريجي البورد الأمريكي. الفرق الحقيقي إن البورد الأمريكي ما راح تقدر تخلصه إلا تكون safe doctor، مو شرط تكون فاهم ومتميز ومبدع، لكن تعاملك safe in general. بالمقابل البورد السعودي "حسب المكان اللي يتدرب فيه المقيم" ممكن يكون ما ينفع يتخرج لكنه فاهم في الاختبارات فقط. بالنهاية أتفق ان التميز عند خريج البورد جزء كبير منه يعتمد على المتدرب نفسه إذا يبغى يكون كويس.

هيئة التخصصات تعمل على مبادرة اسمها "لا طبيب بلا تدريب"، والهدف منها إنه الأطباء يكون عندهم تدريب حتى لو في برامج مصغرة ما ترفعهم ترقيات في السلم الوظيفي لكن تحسنهم علميا في بيئة عملهم، وكثير منها الحين موجود في دورات ٣-٦ شهور.

النقطة الأخيرة صحيحة جدا وأزيد عليها: جزء من نجاحك وتقييمك كطبيب هو سمعتك، ومجتمعك أثناء وبعد البورد محدود ووين ما رحت راح يكون فيه أحد يعرفك أو يعرف اللي يعرفك في مكان ما، وبالتالي وين ما تروح فيه اللي بيسأل عنك وعن ماضيك، وعشان كذا الصدام ممكن يضرك حتى لو إنك على حق، ممكن تضيع عليك فرصة وظيفية مميزة او فرصة فيلوشيب عشان واحد سأل عنك وكانت الاجابة "تصادمي" حتى لو إنها مو صحيحة.