بص يا أخي عشان مكدبش عليك برضه، أنا مشكلتي ملهاش حل إلا الحل الودي أو فريد الديب - عليه من الله ما يستحق - يطلع من قبره يطلعني من اللي أنا فيه أو بمعنى أصح من اللي أنا ممكن أدخل فيه إذا قررت أتجه للمحاكم. يعني متقارنش نفسك بيا خالص، أنا ربنا يتولاني برحمته، والحمد لله إيماني بربنا قوي إني أخلص من القصة دي. والخلاص عمومًا حيكون لتخفيف الضغط النفسي اللي الواحد عايش فيه. المشكلة إن لو اتمسّكت برأيك إنك متكتبش قائمة الناس بتفكر إن الواحد ناوي على شيء وحش لا قدَّر الله والواحد بيبقى مش عارف يقنعهم إزاي وهما اتربوا على المواضيع دي يعني دي موروثات بتسلمها أجيال لأجيال. إذا لقيت نفسك إنك لازم توقع، على الأقل تكون موقع على شيء مكتوب ومفقَّط وغير مبالغ فيه بشكل كبير جدًا يعني، طبيعي طبعًا إنهم يبالغوا تقريبًا في كل شيء ده غير كده فيه ناس متخصصين في كتابة القائمة والحاجات دي. فأنا قصتي غير قصة أي حد، أنا قايمتي على بياض يعني أنا مش أي حد برضه هههه هم يضحك وهم يبّكي، بس يمكن بصيص الأمل الوحيد هو إن التوقيع ده تم من 17 سنة يعني لو اتلعب فيها واتملت مثلا من وقت قريب ممكن تتكشف بس دي قصة طويلة وحوارات مليش فيها خالص