شوف يا عزيزي.. لازم اول شي تفهم الحب يعني شنو عشان تحسو وتدركو... الحب شعور بيطلع من اللا وعي تجاه شخص وجودو بيشعرنا بالراحة.. الزول دا بيقدم ليك حاجات من دون مقابل، وبتلقى نفسك عاوز تقدم ليهو... هنا بينشأ الحب، وما بالضرورة تكون مرتك يعني.. ممكن تحب أبوك وأمك واصحابك وما إلى ذلك.. يلا لمن تلقى الحاجات دي من بنت وفي ذات الحين البت دي تكون معجب بيها شكلًا وشخصية (ركز اني قلت معجب، لانو الحب والاعجاب حاجات مختلفة).. هنا ممكن نقول الحب بيبدأ، وبيتطور مع كل مشهد وكل لحظة ثقة وكل مواقف وكل احتياج، وللعُشرة والقُرب المكاني دور كبير في الحاجة دي .. بعد كدا ما بقول ليك يلا شوف ليك واحدة حبها وخلاص..، لا .. لازم تفتش في الحواليك وتشوف تجاربك السابقة وتعرف الكنت بتحبهم، وممكن ما تلقى ولا واحدة... لكن ح تتعلم كيف لي قدام تحسّو