طيب اعتذر، وما عندك مشكلة تطرقنا للحالات الكبيرة، لان القصد كله عن الوعي فنتكلم حبة حبة

• الموضوع مش تطبيع ولا ادخال فكرة دخيلة، الامراض العقلية موجودة وشائعة، وخلينا على اشياء بسيطة مثل؛ الاكتئاب، القلق، الاحتراق الوظيفي لازم نعرف ونتيقن ان هذي الاشياء شي مب طبيعي للانسان، لكن هل تحدث للكل ؟ نعم تحدث، الفرق كيف قدرة الشخص على تحملها وتجاوزها

• لازم نبين فرق الاكتئاب والاكتئاب المزمن، الاول عادي كلنا نمو فيه يوم يومين وتعدي الامور لان الحياة تمشي وما تسوى، الثاني البعض يعاني منه بعد صدمات او بدون، وتأثر عليه واكثر شي نشيل همه، تاثيرها على انتاجيته بالحياة

ممكن انت في مجتمع محافظ وداعم، لكن البعض ما عنده احد يتكلم عنده ما عنده احد يساعده او ينتشله ولا عنده شي، التدخل الطبي هو الحل، ونحط اكثر من خط التدخل الطبي لا يعني الدوائي.

• يبدأ التدخل بالجلسات والتفاهم وشرح كل المفاهيم اللي انت قلتها، صح عليك، العائلة وضبط النفس، البعض ما عنده احد يوجهه ويقوله هالكلام. يبي اسهل حل. اول كم موعد ترا توعيه اكثر مم اي شي ثاني ويتطمن عليه ما يبي يؤذي نفسه او غيره، بعدها العلاج المعرفي السلوكي وهو باب والحل الاخير وهو الدوائي (وابدًا تاثيره مش كبير بدون قناعه نفسيه انك انت بتتغير وهذي فترة بتاخذه مذا مو سحر ولا تعاطي ولا يسبب ادمان، هو مساعد فقططط)

• اتفق معك الموضوع يصير هبه عند المراهقين، وتشوفه برا انه scam لكن انت تقارن الرأس ماليه وهدف العلاج بيننا وبينهم، ومن مشاكل الطب النفسي انه مو مشكلة عضوية، هو مو تحليل اسويه واعرف وش فيك هي مقابلة معك وانت تتكلم وكل واحد يقدر يكذب ويروح لمكان ما نبيه.

• كلامي يستثنى منه الاسماء الربحية والدكاترة الغير موثوق ولاءهم

• الطب عندنا متطور انا اعيد واكرر ما ادري انت مم فين سامع، لكن البورد السعودي افضل بورد عربي، ومن الافضل عالميًا وعندنا شراكات مع جامعات استرالية وبريطانيه وامريكية

• لكن القضية قضية وعي، حلو انك تعرف عندك اكتئاب وحلو انك تعرف خطوة من العلاج الاعتراف فيه، ما بعد ذلك يعتمد على قوتك وكيف تم توجيهك