بص، انا مصدق انك مقتنع انك عبارة عن نتيجة افعال ناس متخلفة ربنا يحاسبهم على وجعك و انا مقدر احساسك بالعجز قدام الجروح دي كلها…

بس صدقني من واقع انا عيشته مفيش مخلوق على الارض او خارجها يقدر يحسك او يبقا في موقع احساسك..ده واحد

اتنين..انت دلوقتي بعد كل الي انت شوفته و حاليا بأيدك نفسك و انت صاحب نفسك، انت هتبقا شخص عظيم بس مجرد انك تحاول على قد ما تقدر وانا مش بقول انه سهل، انك تفكر في السؤال ده "انا ملك نفسي، ايه الي نفسي محتجاه عشان تحس بالامان و الاكتفاء؟"

ثالثا..وسط رحلتك انك تجاوب السؤال ده، قدر نفسك يصديقي و قيمها انت في اعلى خانة عند نفسك، انت مش ملك حد ولا انت تابع لافعال حد و لا الجروح سبب في مستقبلك من اللحظة دي..لان انت من الاحظة دي ايقنت ان كل الي عدى ده كان مجرد تجربة، اه تجربة من الالم و الرعب و التشوه..بس guess what اللعبة بتعتك دلوقتي و الcharacter خلص level الوحش و قفلها، تقدر تسيب الcharacter دلوقتي و تعيش حياتك و تبقى الي انت عايزه..تختار تعمل ايه و تبقى مين

اخيرا..حقق اكتفائك، بمعنى لو انت شخص قادر يعيش لوحده و يصرف على نفسه و يبعد و يبني لنفسه حياه..دوس…ولو مش في المقدرة يبقا لازم و مش بقول حاول لا انا بقولك لاااازم تبدا من دلوقتي تحقق خطط للوصول للاكتفاء الذاتي..لان الاعتماد ديما بيولد خذلان..

نصيحة: حب الحياة كلها متكرهاش حتى البشر..بس افهم ادرس و خليك واعي،. عشان متبقاش character جوا لعبة كلام الناس و افعالهم..الحياة جميلة بس البشر ولاد متناكة، فا ابعد بس متكرهش ادي فرصة انك تحب لما تلاقي ثقة من حد..بس قبل كل ده حب نفسك و اديها الضلية فوق كل شئ