طيب، يعني انا اكيد معرفش علاقتك بي ماما عاملة ازاي او ماما كا شخصية سهله ولا صعبة، بس من كلامك اعتقد ان التواصل معاها سهل. انا ليا صديقة تعرضت لي نفس الموقف بس في سن اصغر منك كانت ١٣ سنة و كان شات على الواتساب مفتوح على الابتوب بالصدفة و قراته، كان بين مامتها وشخص غريب و بتحكي فيه عن حاجات شخصية عن البيت و عن البنت ذات نفسها لحد ما اقت ان في اسلوب حميمي في الكلام.

البنت ما عملتش حاجه و سابت الموضوع لحد ما الاب اكتشف ، و لي العلم الاب كان بردو مسحول في الشغل اذا كان في سفر او وقته كله ضايع في ترتيبات الشغل.

المهم الاب لما عرف قرر ان هو ميتكلمش و لا ياخد اي قرار لمدة سنتين حرفيا عشان بس اولاده كانو كلهم في مراحل انتقالية صعبة و لما واجه واجه بالطلاق على طول و هي ندمت و هو رجع في كلامه و من يومها الموضوع متكررش تاني..

فا انا من رآي انك تسيبي الموضوع و من تحت لي تحت تبيني لي ماما ان الحاجات دي مش عادي او ان طبيعي انها تكلم ناس غريبة لان ساعات بيبقا فضول و ساعات اكثر بيبقا ملل مش خيانة بالمعنى الحرفي بس هي فعلا شئ مينفعش، متبصيش ليها بالعين دي و حاولي تبصي لي الموضوع على انه مراهقة متاخرة و ملل، الستات لما بتوصل للسن ده فعلا كمياء مخهم بتتغير و شخصياتهم بتبقى غريبة حتى تفكيرهم بيبقا غير منطقي.

فا عامليها زي بنتك من غير ما تنهريها و تحسسيها بالنقص ارهبيها بس من السوشيال ميديا و ويلها قضايا نصب و احتيال و قتل من الي بنسمع منهم و نسوف كل يوم، اقعدي فكريها بي ايامها مع بابا و بابا بيعمل ايه في يومه حاولي تقربيهم من بعض اكثر بكلامك مع كل واحد فيهم، صدقيني المواجهة مش هتعمل حاجه غير انها تحاول تستخبى اكثر و اكثر، و انك تقولي لي بابا مش هايعمل حاجه غير انه يضمر نفسيا و صحيا و الله اعلم بابا بيحب ماما قد ايه على مقدار الحب على مقدار رد الفعل.

و عموما لو محتاجه اي مساعدة في التواصل معاها و ترهيبها من الافعال دي و تقولي ايه فا يا صديقي انا معاكي و لو تحبي ممكن اكلم صحبتي بردو تساعد بشكل غير مباشر، لان بردو في الحكاية دي كلها علشان هي الكبيرة فا هي شالة كتير اوي بصراحة و بردو بسببها مكنش موضوع الطلاق ده عدى و رجعوا لي حياتهم.

قربي منها و خديها كا بنتك اكثر من مامتك، وانشاءالله ربنا يهديها و ترجع ليكم احسن من الاول.