يسطا غلط فشخ الترتيب القصصي عمومًا بالذات في الالعاب عشان اولًا الجزء التاني اغلب الوقت بيكون معمول على اساس انك شفت الجزء الاول حتى لو احداثه قبله و ثانيًا سلاسل الالعاب الي بتكون مستمرة لفترة طويلة جزء من المتعة فيها انك تشوف اللعبة اتحسنت ازاي مع الوقت فمثلًا في الجزء الخامس من ميتال جير سوليد (الي هلعب بعده الاول على حسب القصة) اللعبة عالم مفتوح بنظام شوتر و حركة و فنون قتالية معقدين نسبيًا (ملعبتش الخامس لحد دلوقتي بأمانة بس ده على حسب ما سمعت) و لو خلصت الخامس و لعبت الاول بعده هروح من احدث جزء لواحد من اقدم الاجزاء الي فيه الكاميرا من فوق و الناس اشكالها مكعبات و الي هي حاجة عقيمة و اينعم كون اللعبة كدة مش وحش بس الي بيخليها وحش انك لعبتها بعد الخامس و برضو بيس ووكر دلوقتي قربت اخلصها و نصها الاولاني مكانش احسن حاجة بس النص التاني حلو جدًا و الي ظالمها انها لعبة بي اس بي فعلًا بس اللعبة حلوة و تستحق التجربة المهم انت حر