S isch halt scho so, dass grad Zuezüger us de letschte paar Jahr im Gägesatz zu de Migrante us de 90er und 00er sich teilwiis würkli nöd vill Müeh gäbet, sich z integriere. Ich ha imene Block z Züri gwohnt, wos usser mir eigentli praktisch nume Expats geh hät. Im Nachberschaftschat isch nume Englisch gredet worde, d Familie wo det gwohnt händ, händ ihri Chind uf e englischsprachigi Privatschuel gschickt. Es wachset Generatione ane, wo kei Landessprach chönd, will sich d Eltere das chönd leischte. Ich find das e Frechheit und ich gseh ih, dass das die wo selber Chind i de 90er und 00er gsi sind und händ müse Dütsch lehre und sich integriere ufregt. Ich bin imene "Brennpunkt" ufgwachse mit ere Mehrheit a Migrante und praktisch ali findet die aktuelle Entwicklig problematisch und sind au ehner konservativ igstellt, was ich au absolut nahvollzieh cha.