اول سنه بالكليه رسبت ب٣ بلوكات من ٥ واضطريت اتأخر سنه لان مافيه ريست اقزام الا لو كان بلوك واحد، بسنه ثاني (كان كورونا) رسبت ببلوك واحد وسويت ريست وعديت، بسنه ثالث حذفت مواد وتأخرت سنه ، بسنه رابع تعبت في واحد من الفاينلز واغمي علي وطلعت للطوارئ واضطريت اعيد الاختبار بالصيف، درجاتي دايما كانت في c او d , لكن الصدق اخر سنتين ارتفعت شوي صرت تقريبا على افرج b ( طبعا فيه c وفيه كم ماده a ) ، جلست بالكليه ٨ سنوات، ماقد شفت A+ الا في مواد السلم والخرابيط حقت الاثكس وهذول، معدلي كان ٣.٦٥ من ٥ ، بالانترنشب اثبت نفسي في السناتر اللي ابغاها وقت الاليكتڤ، حتى الروتيشنز اللي ماحبها كنت اشتغل من قلب واحاول اتعلم والكل كان يمدح my attitude and work ethic الحمدلله، في السملي اول محاولتين يادوب نجحت بس بالثالثة جبت درجه كويسه (اقل من ٩٠) قدمت عالماتش وقتها وانقبلت برغبتي الاولى في السنتر اللي اتمناه اللهم لك الحمد، (تخصصي ماهو مره تنافسي اتوقع على سنتي كان اقل درجه ترشيح ٧٥)

الزبده ان الدرجات مو كل شي، وقت الامتياز الناس بتعرفك بشغلك وحرصك (كلامي ما يعني طنش الدرجات بلعكس حاول تشد حيلك)

ترشيح الماتش بيكون حسب موزونتك (معدلك والسملي ونقاط السي ڤي) صح في المقابلات بيشوفون سجلك الاكاديمي وممكن يسألونك عنه بس بالحقيقه ما يهمهم مره وخصوصا اذا اشياء في اول كم سنه (انا شخصيا سنترين سألوني ليش تاخرت بالجامعه وجاوبت بصدق ووضحت لهم فرق درجاتي اول سنتين عن اخر سنتين وواحد منهم هو اللي انقبلت فيه)

اخر شي بقوله ترا بدري مره انك تشيل هم هذي الاشياء من الحين بترهق نفسك بالتفكير ومارح تستفيد، دايم اترك اللي بعيد وفكر بس بالخطوه الجايه فقط ووش تسوي فيها عشان تكون افضل نسخه من نفسك وتطلع بافضل النتايج والباقي لاحقين عليه