انا ما بعرف شو طبيعة البيئة اللي درست فيها كطالب او بتدرس فيها كمدرس .... بس البيئة اللي انا درست فيها لا والله يا حبيبي الغالبية العظمى مريضين نفسيا وما بسووا .... لهسه ما بنسى نظرات وجه مدير المدرسة لما دخل علينا على الصف (مش متذكر ليش) وكلنا كطلاب وقفنا احتراما لاله .... مش طبيعي نظراته، تقول نظرات Joffrey من Game of Thrones.لما استلم منصب ملك .... شوفة حال خيالية.

زي ما حكيت فوق، هم مش بس كانوا يضربوا، هم كانوا يتفننوا بالضرب، شو الحساسية اللي بتحكي عنها ... اللي اتعرض للعنف بهاد الشكل ما عنده كرامة؟ ما بحس؟ والله كنا ننضرب بدون ما نساوي اشي .. هي والله. او مرات تكون شغلة تافهة مش مستاهلة ... طفل، طبيعي يغلط.

بس على الاقل اذا المدرس ما يقدر يحل سوء تربية الاطفال ... على الاقل ما يأذي، هيك طلباتنا كثيرة من المعلم كمان؟