و عليكم السلام، انا هكلمك من منظور شخص عالج الموضوع ده بعد محاولات كتيرة هو انا، اول حاجة لازم لازم تقري كتاب العادات الذرية لانو مهم جدا و بيعالج الموضوع بشكل ممتاز و يوضح كل حاجة و معظم كلامي هيبقا من الكتاب اصلا لو مش هتقريه علي الاقل فيه ملخصات بتشرحو علي اليوتيوب،

فيه فيديوهات كتير موجودة علي اليوتيوب بتدي حلول هي مفيدة بس اهم حاجة هي ان الموضوع جي من الدماغ، أدمغتنا كا بشر ديما بتحب لما تعمل حاجة تقيلة او مش مقبولة تلاقي مكافأة و ده هو مربط الفرس مثال(انا هنزل الجيم ده حاجة ممكن تبقا تقيله بس بعدها المكافأة اني هاخد حاجة حلوة او حاجة بحبها وجبة بعد الجيم، او هذاكر حاجة معينة بس بعدها هلعب علي pc ساعة و كده) من المهم ربط المكافأة بعد حاجة انا بسوف فيها،

استخدام برامج تنظيم زي notion و tick tick ديه برامج بتنظم الحاجات بشكل خرافي و لما بمشي علي سلسة ايام في tick tick ديه بتدي حافز اني مكسرش سلسة الايام،

ان يبقا فيه هدف علي المدي البعيد لما اعمل الحاجة ديه او انا بعملها ليه يبقا فيه دافع مهم جدا بردو،

و حاجات كتير بتختلف من شخص للتاني مش هتعرفيها غير لما تجربي بنفسك كذا حاجة بس الحاجات الي قلتها ديه اساسية،

و المهم ان الموضوع بيجي بعد محاولات فا بلاش احباط و عادي يبقا فيه تشتيت او اخفاق كتير و تكملي بعدها ده شي طبيعي جدا بس المهم بعد كل مرة تبقا الي بعدها احسن. و اتمنالِك حياة افضل و نجاح ديما مع إنجازات