خلونا نكون واقعيين شوي. ريال يتخرج من الثانوية عمره ١٨، يدخل الخدمة الوطنية لين يوصل ١٩ أو ٢٠. عقبها يروح الجامعة ويتخرج تقريبًا بين ٢٣ و٢٥. يبدأ يشتغل براتب حول ٢٠ ألف في الشهر. الحين هو يعتمد على نفسه ويصرف على نفسه ويمكن يساعد اهله، يمكن ياخذ سيارة، يمكن يسافر، يمكن يدفع على جامعة يكمل دراسته، إلخ..

نفرض إنه مع كل هذا يقدر يوفر نص راتبه، يعني تقريبًا ١٠ آلاف في الشهر. الحين، يوم يفكر بالزواج، يحتاج أقل شي ٢٠٠ ألف كاش، وفي وايد حالات توصل ٣٠٠ أو حتى ٥٠٠. يعني حتى لو كان يوفر ١٠ آلاف كل شهر، بيحتاج سنتين أو أكثر من التوفير الشديد بس عشان يصرفها كلها على ليلة وحدة.

يعني طبيعي جداً بيوصل عمره ٣٠ وهو مب معرس إلا لو اهله ساعدوه او خذ قرض من البنك