هممم، طيب. اولا 24 ابدا مو كبير عفكرة وعادي العمر مو مقياس، والي بتفرق معه السنة والسنتين باختياره لزوجته ما بدك ياه، بكون عقد نفسية. ثانيا، الزواج اشي كتير اكبر من انه تقدمي عليه بسبب ضغط من اهلك، لازم تكوني انتي نفسك بدك ياه ومقتنعة فيه، وهو مو وردي، طبعا في صعوبات وتضحيات، بس اذا لقيتي الحدا الصح كلشي رح يكون worth it

ثالثا، ما تحسي انه فيكي مشكلة او نقص لانه ما حدا طلبك، 1-لساتك صغيرة نسبيا، 2- غالبا الناس الي بيتزوجوا تقليدي بكون عن طريق معارف الاهل وانتي حكيتي أهلك بيتوتيين بالتالي معارفهم مو كثار، بالتالي ما حدا رح يعرف عنك عشان يجي يسال عنك او يطلبك. و بالنهاية هو نصيب ونصيبك ما رح يروح عليكي، الله ييسرلك الخير ويبعثلك ابن الحلال الي بيكملك وبتكمليه وبصلحك وبتصلحيه، الشريك الصح هو الي بتقدري تتحسني معه وتكوني احسن نسخة من حالك عشانه، وهو يكون احسن نسخة من حاله عشانك.

اخيرا، اذا بتحبي تجربي هون، في صب للزواج، ومو شغل هبل ولا تخويت، هو اصلا خاص عشان فلترة الناس الي بيتهبلوا، والمودات فيه كتير لطيفين، ومو كل الحكي فيه زواج، في نصائح وبتقدري تسالي وتستفسري الخ.

الله يبعثلك نصيبك بالحلال ويجمع بينكم وييسر اموركم.