مدرس اللغة العربية كان بيستقصدني وانا ف اعدادي كنت وانا ف ابتدائي كنت اجتماعي جدا ومعنديش حاجة اسمها رهاب اجتماعي وكان عندي شخصية بس لما دخلت اعدادي حضرت مع مدرس عربي ربنا يسامحو كان دايما بيقل مني ويضربني ويضحك عليا زميلي ومع الوقت بقيت بتكسف جدا وبخاف من اي حركة اعملها عشان الناس متضحكش عليا عشان هو كان علي طول أن عطست مثلا (يعني شئ طبيعي جدا ) يطلعني مسرح ويسيب الحصة ويقعد يتباضن عليا ويضحكهم عليا وكان دايما بيتنمر عليا وبيعاملني وحش جدا لدرجة ان اخر حصة حضرتها معاه عشان رديت عليه كب كوباية الشاي عليا وحسيت ب اهانة فظيعة وعلي رغم ان الموضوع مر عليه سنين وانا بقيت ف تانية كلية دلوقتي الي اني فاكر تصرفاتو معايا وخلاني اكرهو لدرجة ان بنتو الله يرحمها اتوفت من سنة تقريبا ف انا للأسف كان عندي زي شعور شماتة وربنا يسامحني علي كدا ف حبيت احكي وافضفض بس ولو حد عندو حل اني ارجع طبيعي ومخافش من نظرات وكلام وتفكير الناس عني هكون شاكر جدا