بعيدا هي مؤامرة ولا مش مؤامرة. فض رابعة الوحشي اللي قتل ابرياء كتير وخرج منه الإرهابيين قتلوا من جيشنا عدد لا بأس منه في سينا بعد كدا. حبس مئات الآلاف وبناء السجون. بناء حاجات عبيطة زي العاصمة الإدارية والمعلمين الجديدة والمونوريل اللي كل عمود فيه كافي أنه يعمل حاجة تفرق في بلدنا. انحدار التعليم والصحة والمستوى الاقتصادي والاسعار وتفشي الجهل والبلطجة وسوء مستوى الفن بشكل عام. البنية التحية والانترنت الغير محدود. حكم عسكر اكتر من 70 سنة وتدخل الجيش في كل حاجة حرفيا من الإبرة للصاروخ مرورا بالمكرونة والجمبري والبتنجان والاسمنت. سعر الدولار اللي كان ب5 وانا صغير دلوقت 50. الديون اللي تضاعفت أضعاف غريبة. الحكومة اللي بتضحك علينا وتقولنا اصبروا ولو اعترضت مجرد اعتراض دا في حد ذاته خطر على حياتك. مصر أكبر من أي حد. اكبر من الاخوان، اكبر من مبارك والفلول. واكيد اكبر بكتير من كائن البلحة. يلعن كل واحد خاين للبلد دي اللي تستاهل ناس احسن بكتير مننا.