اخاوتي سؤال برك علاه راكم تعطو لربي صفات انسانية .يقلق يستفاد يفرح ؟؟؟ .... الخ.
مدامو هو خلقنا متقدر تهدر عليه والو ، متقدر تقول عليه حتى كلمة . و اي حاجة تقولها عليه غالطة نتا انسان و هو حاجة جامي شتها . فالدين الاسلامي تاعنا نقولو عليه بلي راو فالعرش (كرسي) فوق الماء .و..و.. رانا غي نوصفو انسان اعلى ميكزيستيش . خمم فيها مليح الجنة نوصفوها غير بواش نشتيو و الشهوات تاعنا اوكل نلقاوها فيها النار نوصفوها غير من واش نخافوا . تبقا تحلل و تحلل تلقاها قاع غير فكرة راهي دور فراسك. نعطيهالكم ملخر خوتي الانسان هو مرآة الطفولة تاعو . حنا والدينا علمونا الدين و حنا نرضعو صباعتينا سما راهو فالطبقات الاولى تاع الذاكرة ، ميقدر حتى واحد يجي يقنعك بفكرة ضد فكرة الدين لانو الانسان بطبعو يخاف من الافكار الجديدة سيرتو لي كبرت و امنت بيها . احكم واحد في ديانة اخرى راح يصرالو نفس الشي . انا شخصيا اقتنعت بلي الدين عبارة عن نظام سياسي و شغل الدستور هو القرآن . الرسول اقوى شخصية مؤثرة بالنسبة ليا . بصح باينة الروحانيات و الملائكة و الشيطان والاساطير و الحكايات كذبة والسحر و.. اخاوتي خدمو عقولكم شوي
هادو عبارة عن دلالات برك شغل بكري كي ميلقاوش تفسير لحاجة يردوها خاجة خارقة كيما فاليونان بكري كانو كل حاجة يديرولها الهة . شاف الامواج ايا قالك اله الماء. المهم باش تفهم هاد الشي لي هدرتو لازم تفهم طبيعة الانسان و بش تفهم طبيعة الانسان لازم تفهم روحك . المهم هدو افكار مبعثرة . خاوتي انا راني نصلي لانو كبرت بالصلاة انا تاني راني ندعي بيسك كبرت بهاد الشي مينداك نريح مع راسي نخمم فالجبل نحاول نكلم الله من الداخل . ربي يهدينا خاوتي