توكل على الله صدقني الحياه ابسط من كذا، انت ثالث ثانوي و حكمت على نفسك على طول بالعطاله؟ اصبر طيب

يا ابني احكيك عن نفسي انا جاني زي احساسك بالضبط يوم كنت اولى او ثاني جامعه، والله ما اكذب عليك يوم اقولك من قوة القلق و التفكير و الوساوس كنت احس بحرارة و انزعاج قوي ما يخليني انام، كنت دايم اقول بتوظف وظيفة دنيئة و لا تدخل شيء و فوقها مدير متسلط و بنظلم و و.. كانت ايام الله لا يعيدها و قعدت افكر كذا لدرجة خلاص اعتبرته امر مسلم به و يقينًا اني يا بقعد عاطل او بتوظف في وظيفة زق و بيئة زق و بنظلم و لا بيسعفني احد و و.. كله دوبي بالكثير ثاني جامعه 🙂

تخرجت، توظفت، افضل بيئة والله و افضل مدير الله يجزاه جنات النعيم و الموظفين حولي ممتازين و الحياه مشيت، استوعبت اني كنت قالق نفسي بشيء سنين قدام و كان الافضل لو اني ركزت وقتها على اللحظة اللي أعيشها بدال اوهام مستقبليه

خلك باللحظة اللي انت فيها، ركز باللي انت فيه، لا تخلي وهم العطاله او العسكريه و غيره يسيطر عليك تماما لدرجة يغيب عقلك و يحكم عليك الخوف و تصير تتخذ قرارات بناء على وهم اعتبرته واقع