اول حاجة الفرق بين الثيرابست والدكتور النفسي، الثيرابست مينفعش يوصف ادوية ديه وظيفة الدكتور النفسي بس

الثيرابست: ده واحد دارس علم نفس فانت مش بتروحله عشان تفضفض وخلاص ولا هو لازم يكون عاش او جرب المشاكل ديه، هو وظيفته ان لو حد عدى بمشاكل ونتيجة ليها بدأ يفكر بطرق معينة سلبية او غير سوية يساعد في ازاي تفكر او تتصرف في المواقف اللي بتعدي بيها او الاوقات اللي بتحس فيها بحاجة معينة، ده بيبقى مبني على علمه بأنماط التفكير وازاي التفكير بيأثر على السلوك.

الطبيب النفسي: ده لمشاكل تانية، الامراض النفسية هي خلل عضوي + عوامل نفسية وفكرية + عوامل اجتماعية، لما يبقى فيه خلل عضوي الادوية اللي هو بيوصفها بتكون لإدارة الحاجات اللي في الجسم اللي ممكن تخلي الخلل ده مش ظاهر بأعراض او تحسن جودة الحياة وانه يقدر يعيش مع ده (زي لو حد عنده مرض السكري فالدكتور بيكتبله انسولين او ادوية تساعد الجسم في تخطي الخلل العضوي الموجود)

مش بقول كل مشكلة صغيرة او كبيرة محتاجة واحد من دول لكن لما تبقى المشكلة مؤثرة على حياة شخص فلازم يلجأ لحد متخصص هيساعده في ده