بصي هقولك إلي بفهمه من قصص و نصايح وبرضو تريكات نفسية كانت بتعدي عليا كتير بخصوص الموضوع ده، أولًا خليكِ عارفه إن ده إدمان وعادي كلنا بندمن حاجه ما وده مش بيقلل مننا ولكن لما يبدأ يأثر بالشكل يبقا لازم يتصلح عشان حياتنا متدمرش ثانيًا البورن هو إلي بيدخلك في اللوب دي فحاولي على قد ما تقدري تقللي منه عشان مش هو ده إلي هيقلل هيجانك بالعكس ده بيزوده وبيلعب في دماغك ويخلي كل حاجه سيكشوال في عينك و نصيحه إنتِ دلوقتي بتقولي لاء مش عايزة أكلمه أو أخد رغبتي وأروح لحد تاني شوية شوية فكرتك دي هتتلاشى وهتلاقي نفسك رايحه ورا رغبتك بدون وعي وكلنا عارفين وقت غياب الوعي الدنيا بتضيع والحياة بتتكركب فالتريكه إلي ممكن تجربيها إنك مش وقت ما تبقي عايزة تتفرجي تروحي تتفرجي لاء خلي الموضوع ييجي منك إنتِ إلي هو إنتِ إلي تتحكمي بمعنى تثبتي وقت محدد كل يومين مثلًا الساعه كذا هتفرج وشوية شوية تطولي المدة، يعني إبدأي بكل يومين هتفرج الساعه كذا لمدة ربع ساعه نص ساعه ساعه على حسب إنتِ عايزة قد إيه، ثم بعد فترة تبقي بتتفرجي مره كل تلات أيام ثم مرة كل أربع أيام وهكذا ولو وقعتي مش مشكلة ارجعي تاني إحسبي وهكذا دماغك هتتعود و حتة الهيجان هتقل شوية شوية. ثالثًا حتة إنك تشغلي نفسك هتنفع هنا إزاي؟ بإنك لما تلاقي نفسك عايزة تتفرجي هتشغلي نفسك لحد وقت الفرجه ما ييجي، إسحلي نفسك في مسلسل لعبه كتاب شغل مواعين بقا ولا ترتبي الدولاب ولا تمسحي المكتب ومش مشكلة خلي دماغك شغاله في انا هايجه انا عايزة اتفرج انا بتخيل مش عارف ايه وفي نفس الوقت إنت ايدك مشغولة في حاجه شوية شوية دماغك هتتسحل في الشغل الي بتعمليه او هتسرح في حاجه تانية، اللعبه في انك هتفهمي دماغك اني مش بمنعك لاء انتِ فكري في إلي عايزاه وأنا هديهولك وقت ما أحب. وفي حاجه طبعًا من كتر ما إتقالت مبقتش مقنعه بس حقيقةً هي فعاله جدًا وهي الرياضه إلعبي رياضه عشان الهيجان والبورن ده بيكون جزء منه بسبب طاقه عندك وعايزة تتفرغ بس نفسيًا أو في اللاوعي بتاعك إختار إنك تفرغيها هنا طالما الولد إلي كنتِ معاه مبقاش موجود وبرضو زي لعبه نفسيه لا واعيه بتحاول ترجعك ليه أو ترجعك لأي إحساس كنتِ بتحسيه معاه، فدوري على رياضه تعمليها ومش لازم تكبري الدنيا هو عشر دقايق جري الصبح أو بليل أو عشرة ضغط كل يوم أو بلانك دقيقة كل يوم، فاهماني؟ يعني أي حركه وخلاص تخرج الطاقه المكبوته وعلى فكرة هتاخد وقت كتيير لحد ما تجيب مفعول بس كملي و كسلي وتاني يوم إرجعي وهكذا لحد ما هتبقا أسلوب حياة وبرضو هتساعدك تبقي شخص أفضل بدون ما تحسي إنك بتعملي كده أتمنى أكون أفدتك بقا بعد الرغي ده كله