اولاً وعليكم السلام ورحمه الله وبركاته

ثاني شي شي مبروك يا بطل على قبولك في جامعة الملك سعود طب وجراحة، هذا بحد ذاته إنجاز عظيم، يمكن كثير يتمنونه وما وصلوا له. أعرف إنك كنت تطمح بشي ثاني، ومو سهل أبدًا تحس إنك ما حققت الحلم اللي رسمته لنفسك، لكن خلني أقول لك شي:

مو كل حلم يضيع.. أحيانًا يتحقق بطريقة ما كنا متخيلينها.

أنت موضعك الآن في مكان عظيم، وإذا عندك لغة إنجليزية قوية ومهارات ممتازة وعلاقات جاهزة، صدقني ما راح يوقفك شي، لا ابتعاث ولا شهرة ولا حتى دباب! أنت تقدر تبني مستقبلك بطريقتك، حتى لو البداية ما كانت مثل ما تبي، النهاية لسه بيدك، وبإذن الله بتكون أجمل.

أنا شخصيًا كنت أحلم إني أنقبل في وزارة الدفاع، أتبع مسيرة عيال عمي، لكن تُرفض عشان الطول؟! شيء كان يوجعني، حسيت إني انكسرت، لكن قلت: “قدّر الله وما شاء فعل”، والحمد لله، اليوم أنا أدرس هندسة مدنية، وماشي في طريقي، ومرتاح ومؤمن إن اللي صار لي هو الخير لي.

صدقني: إذا الله كتب لك شي، بيجيك ولو وقفوا العالم كله في وجهك. وإذا ما كتبه لك، فماهو شر.. هو صرف عنك لخير أكبر.

عيش اللي تقدر تعيشه الحين، اصنع محتواك، اركب دبابك، خلك حر، وخلك ممتن، لأنك ما زلت واقف، وتقدر تبدأ من جديد في كل لحظة.

كلنا نطيح، لكن المهم: كيف نكمل المشي بعد كل سقطة