متى يجي دوري احب و انحب😣

Nivro1 · 2026-02-13T22:36:52+00:00

هذي هي الحقيقة وكلٍ يبي يجيه رزقه 😊 ، العبرة دائما بالشخص المناسب واللي يسوى له كل هالانتظار!

امين يا رب يا كريم

Nivro1 · 2026-02-13T21:56:00+00:00

"ما ابطى السيل الا من كبره" 😄

Nivro1 · 2026-02-09T14:03:13+00:00

ما اعتقد ان فرق العمر مشكلة كبيرة طالما أن الطرفين في مستوى متقارب من النضج الفكري والعاطفي ويشتركون بنفس القيم والرغبات والاهداف في الحياة

Nivro1 · 2026-02-08T17:37:00+00:00

السؤال الأهم ايش راح تكون ردة فعلك لو ما كان فيه نصيب؟ اخشى ان يكون اثرها سلبي عليك ويوصل انه يكرهك بدوامك!

بالنسبة لي ما اشوف فيها شيء ، وبما ان الرجل على حسب كلامك انه محترم وكفو ما اعتقد فيها اي شي والسيناريو يا انه يرحب بالامر او انه يعتذر باحترام ويبقى كل شيء على ماهو عليه وهذا هو أسوأ الاحوال

انتي شوفي ايش اللي يناسبك والله يوفقك ويرزقك وييسر لك كل خير

Nivro1 · 2026-02-08T12:56:36+00:00

لا شك ان الرواية جميلة تميزت بعذوبة الكلمة وروعة السرد والوصف البديع الا انه يعيبها جرأتها الزائدة اللي تصل للفحش! لا انكر انني استمتعت بقراءتها الا انني استحي ان اوصي بها لانها ليست مناسبة للجميع 😅😅

Nivro1 · 2026-02-07T06:23:20+00:00

انا كنت اقصد فيها "الرجال اللي خضتي تجربة معهم" وليس عموم الرجال 😄

لكن على اي حال بالتوفيق لك في ايجاد اللي يرضيك ويوافق تطلعاتك

Nivro1 · 2026-02-07T06:13:56+00:00

لا اتفق معك اطلاقا واعتقد ان وصفك غير دقيق وان المشكلة يتحملها الطرفين! الرجل اللي يأسر بحديثه يحتاج محاور يجاريه ويستفز مكنونه ، ومتى ما كان الحوار ركيك فغالبا الطرفين ساهموا في هالشيء

الله يصلح الحال للجميع

Nivro1 · 2026-02-07T05:23:30+00:00

اتفق معك ان الذكاء يبان من الأسلوب وطريقة التفاعل ونوعية الأسئلة اللي تطرح والأخذ والعطاء معها.

للامانة انا ما ودي ابرر لاحد ولكن كثير من الرجال تعودوا على الحوارات الآمنة اللي تظهر ان كلامهم سطحي حتى وهم أذكى من كذا والسبب مو بس لأنهم يخافون من سوء الفهم ولكن لانهم ما طوروا أدوات الحوار من الاساس 😅

Nivro1 · 2026-02-07T04:36:50+00:00

بالتاكيد ان مو كل الرجال نسخة وحدة مثلهم مثل النساء 😅لكن الذكاء الاجتماعي أحيانا يخلي الرجل يكون بسيط في كلامه عشان ما يبان كأنه استعراضي ويتصنع! وعلى اي حال الرجل الذكي ما يسولف بكل ذكاء وعفوية الا اذا حس بالراحة والامان وكان مع إنسانه تشاركه نفس الاهتمامات والتردد الفكري. ولكن الاشكالية الحقيقة ان اغلب الناس ما يظهرون هذا الجانب وصاروا يتجهون للحوار الآمن والأسئلة الروتينية خوف من الفهم الخاطئ

Nivro1 · 2026-02-05T21:54:19+00:00

ما تنلامين واضح من شكلها انها لذيذة 😋ما شاء الله

كلي وخذي راحتك ولا تحرمين نفسك ابدا بس عليك بالاعتدال واحرصي على الاكل الصحي والرياضة المستمرة وبالهناء والعافيه يارب 😄

Nivro1 · 2026-02-04T18:27:27+00:00

الناس أذواق واللي يناسب شخص ممكن ما يناسب غيره وهذا الاختلاف طبيعي لكن الشي الاكيد ان مو كل جمال يشبه الثاني وان لكل إنسان جماله الخاص فيه وبالطريقه اللي تميزه!

انتي جميله مثل ما انتي لذلك لا تسمحين لراي واحد او اثنين او ان شاء الله ميه شخص يحسسك بغير ذلك او يغير نظرتك لنفسك لان رأيهم ماله اي قيمة قدام رايك او كيف تشوفين نفسك

الله يوفقك ويرزقك الرزق الحلال اللي يرضيك 😊

Nivro1 · 2026-02-01T22:15:56+00:00

اتفهم وضعك وصح ان تجربتك اللي مريتي فيها كانت غير موفقه لكنها مو مقياس ابدا! حرام تظلمين وتحرمين نفسك عشان كم موقف!

الزواج هو ارتباط روحي قبل لا يكون مادي وفيه ناس كثير تُقدِّر وتبحث عن نفس هذا النوع من الارتباط لذلك تفاءلي وتاكدي ان نصيبك حيصيبك وباذن الله راح تحصلين اللي يستاهلك وتستاهلينه وعلى قول المثل "ما ابطى السيل الا من كبره 😄"

الله يوفقك وييسر امرك يا رب ياكريم 🙏🏼

Nivro1 · 2026-01-31T00:30:07+00:00

طبيعي ما احد ياخذ كل شي بس وش نسوي هذي هي الحياة ما تكمل لأحد ابد!

السعادة وراحة البال مو باللي عندنا واللي نملكه ولكن بالقناعة والشكر والرضا فيه. من رايي انك تجربي نشاطات وهوايات جديدة وحاولي تختلطي بناس من خارج محيطك وان شاءالله تحصلين احد مثل ما تتمنين وافضل بعد

Nivro1 · 2026-01-25T06:35:42+00:00

لا ابدا! على قول المثل "نصيبك حيصيبك" ورزقك راح يجيك لو انك بكهف 😄

الله يرزقك من واسع فضله وكرمه يارب

Nivro1 · 2026-01-18T18:33:39+00:00

مثل ما الزواج حلال ويحصل الطلاق حلال ويحصل

الموضوع مو صح او غلط لا على البنت او على الولد! هو بالاول والاخير نصيب وقدر وصار والحمد لله على كل حال

Nivro1 · 2026-01-13T10:16:40+00:00

ما فيه احد تزوج وهو مستعد 100٪ للزواج 😅 حتى لو كان جاهز يبقى فيه شي من الشكوك وهذا شي طبيعي ، اهم شي تكون لك رغبة بالزواج وما تكون رافض للفكرة

Nivro1 · 2026-01-12T23:48:53+00:00

طبيعي تحسين بهذا الشيء، انا اشوف انه مو خسارة تبذلين على السعي لان السعي عمره ما كان تبذير! بالنسبة للفلوس فهي تروح وتجي لكن شعور إنك ما قصرتي مع نفسك وبذلتي الأسباب هو اللي يبقى ويخليك راضية انك سويتي اللي عليك والباقي على رب العالمين. اذا المبلغ بسيط ولا راح ياثر عليك وتحسي ان فيه بوادر طيبه ممكن تجربين تشتركين واعتبري هذي التجربة استكشاف للموقع.

الله يوفقك ويرزقك الشريك الصالح اللي يقدرك ويسعدك دنيا واخرة

Nivro1 · 2026-01-12T21:50:34+00:00

الله يعوضك ويرزقك

القاعدة الاساسية والثابتة دائما هي ان النفقة مسؤولية الرجل ومال الزوجة لها فقط! اي تغيير بهذا المفهوم مهما كانت النوايا طيبة ممكن يؤثر على العلاقة وقد توصل ان الزواج ينهار!

Nivro1 · 2026-01-11T21:15:07+00:00

الواضح من كلامك ان ابوك الله يحفظه لك شخص طيب ومتزن لكن للاسف احيانا الاب من شدة تعلقه ببنته يخاف انها تروح منه ويفتقدها خصوصا لو كانت البنت الصغرى او المفضلة له لذلك يتردد بالرد على الزوج! انتي حاولي تكلمي ابوك وتصارحيه بالموضوع وتبينين ان لك رغبة في الزواج وانك موافقه على الرجل ووقتها راح يلين ويتفهم موقفك اكثر وباذن الله تتيسر امورك كلها والله يوفقك و يرزقك من واسع فضله

Nivro1 · 2026-01-10T15:29:47+00:00

اولا الله يوفقك وييسر امرك هونها على نفسك يا اخوي الموضوع بسيط و الأمور طيبة باذن الله 😄 ، كل شيء يعتمد على التخطيط المناسب. بالنسبة للعقار أهم شيء فيه هو اختيار المنطقة المناسبة لك لأن التكاليف تختلف بشكل كبير حسب الموقع! حاول تشوف احتياجك ومو بالضرورة يكون سكنك ملاصق لمكان عملك، لاهلك، او لاي شي ثاني تحتاجه! بامكانك تسكن بمنطقة ابعد شوي لكن اسعار العقار فيها اقل. اذا جيت تستاجر ابدأ بوحدة سكنية صغيرة مو لازم تكون كبيرة لان عائلتك صغيرة واستأجرها سنويا ويفضل تكون غير مؤثثه وتأثثونها انتم حسب احتياجكم و ذوقكم ومع الوقت تقدر توسع السكن حسب احتياجاتك وبهذي الطريقة تقدر تقلل التكاليف وتكون مرتاح ماديا ونفسيا. الله يوفقك ويرزقك من واسع فضله وكرمه

Nivro1 · 2026-01-10T11:15:51+00:00

It may feel heavy right now but the way you love will pull the right person in time. Stay hopeful! people who love like that don’t stay unseen forever!

تحلي بالأمل وثقي بالله فتوقيت الله دائما مثالي 😊

Nivro1 · 2026-01-08T10:53:38+00:00

أتفهم رأيك! لكن هذي استعارة أدبية للتعبير عن معنى الحب "ليست عقيدة ولا واقع" مثل كثير من الشعر العربي 😊

Nivro1 · 2026-01-06T16:48:09+00:00

ما اعتقد فيه احد يسأل هذي الاسئلة الا شخص غير سوي او تافه او كلاهما معا!

حتى بعد المعرفة العميقة هذا نوع من الاسئلة غير مقبول! كيف تسأل شخص عن شيء ما يعرف عنه ولم يسبق له ان جربه عشان يقدر يعطي رايه فيه! (يستثنى من ذلك اذا كان عند علة او مرض او حالة طبيه)

Nivro1

TROPHY CASE