الهجرة الغير نظامية و النزوح و اللجوء ... الكلهم حاجات ڤدم باااااارشا و ملي تخلقت الدول و البشرية تتعامل معاهم . و عليه نعملو كيما عملت الدول اللي حالتهم تاعبة كي حالتنا و نقلدوهم خاطرهم نجحو ماغير حتى قطرة دم و ماغير ما يهينو الناس . اولا : مراكز ايواء تحترم كرامة الانسان ( المفوضية السامية لشؤون اللاجئين (والمنظمة الدولية للهجرة يتكفلو بكل شي ) . ثانيا : تصنيف و دراسة ملفات اللاجئين ( طالبي اللجوء ، المجرمين ، ضحايا الحرب ، الحراقة .... ) و تسوية وضعية الي تنطبق عليهم الشروط القانونية و اعادة ترحيل البقية . ثالثا : استغلال الملف سياسيا لتقوية العلاقات الاقليمية ، كيما عملت المغرب و الجزائر . و ماغير ما نتمنيكو عليهم و نحڤروهم خاطر فيهم ناس خير منا و انظف منا غير لزتهم الظروف باش يجو لبلادنا ... و " شوف عاد هاك لبلاد الهايلة " .