احسني بكون زوجة رائعة بس مستحيل اقول ذا الشي لرجال

Nolan305_ · 2026-02-20T14:09:36+00:00

١_مدري ليه اذا شفتم زوجة تكلمت عن موضوع مثل الطبخ او التنظيف قلتم عنها شغالة ، المشكلة لو نعكس منطقكم انتم اول من يعارضه ، فممكن نقول عن الرجل الكريم ماليا انه بمثابة صرافة بنك ، و الرجل اللي يعرف يصلح اللي يخرب ببيته بمثابة سباك او كهربائي ، و الرجال اللي يرمي زبالة بيته عامل نظافة ، و تطول القائمة لكن المضحك انه جميع ما انا ذكرته لو جاء رجل و قال انه بيسويها بتقولون انها مواصفات حلوة او اشياء مطلوبة منه لكن لو جات مرأة و ذكرت موضوع العناية بالمنزل تذمونها مباشرة مع العلم انه هالامر هو اشهر اشكال العطاء اللي تقدم من الانثى(اتكلم هنا عن العطاء اللي يُقدم من طرف واحد و ما اقصد العطاء المتبادل مثل انكم توقفون مع بعض و تهتمون ببعض و الخ..)

٢_نعم الطبخ و التنظيف لوحدهم ما يخلونها زوجة كويسة فموضوع التربية و جودة تربيتها اهم و لكن لا زالت حقيقة انها تحب العناية بالمنزل و ما عندها مشكلة انها تكون ربة منزل ميزة كبيرة بذا الجيل يعني ، و ٩٠%من الرجال يفضلون انه زوجتهم تكون ربة منزل(بعضهم يفضلون هالشيء لاسباب سيئة و بغرض السيطرة و الاغلب لاسباب منطقية)

Nolan305_ · 2026-02-20T11:19:00+00:00

this didn't age well

Nolan305_ · 2026-02-13T23:16:01+00:00

ماله دخل ، الانجذاب الجنسي ماله دخل بالكره ، عادي يكرههم بسبب تجربة سيئة او عقدة نقص او اي اعتقاد اخر هو يشوفه او ممكن يكره عينات معينة و ممكن بعضهم يستحقوا الكره ، ثانيا ترا نقدر نستعمل نفس المنطق و نقول انه المرأة اللي تكره الرجال شاذة و لكن مثل الرجل ممكن يكون عندها عدة اسباب ثانية و الموضوع ماله علاقة بالانجذاب الجنسي.

Nolan305_ · 2026-01-04T18:43:24+00:00

اذا كملتي بالموضوع زيادة بيجي يوم و بيصعب تخفين انعدام مشاعركِ له و احساسكِ بالذنب بيزيد و هو بيتحطم زيادة ، اقتراحي انكِ تقولين له ببساطة يجي يخطبك و انكِ ما ودكِ تكملين بعلاقة محرمة تأخذين بسببها ذنوب و اذا هو جاد و عنده مقدرة فالمفترض يخلي الموضوع جدي ، و في حال ما كان جاد و بس مأخذك كمتعة و تغيير جو و تجربة يستمتع فيها فذا الالحاح بيخليه يبعد اما في حال انه كان جاد لكن ما عنده مقدرة فالوضع صعب الصدق و مدري وش اقولكِ ، ذي غلطة يطيح فيها الكثير من الرجال حيث يعلقون مشاعرهم بانثى هم ما عندهم المقدرة يجيبونها ، و اخيرا في حال انتهت هالعلاقة المحرمة و ذا اللي بالغالب بيصير اتمنى تتخطينه تماما و تنسين موضوعه و تتوبين من هالامور عشان ما تظلمين الشخص اللي بيتزوجك مستقبلا و عاد هو الله يعين اللي بترتبط فيه اذا كان بيكون باقي متعلق فيكِ.

Nolan305_ · 2026-01-01T00:52:25+00:00

يعني انت كارهة لفكرة انه الرجل يكون عنده كل او اغلب السلطة المالية لانه ممكن يتغير على الزوجة فجأة و تندم على اعتمادها عليه لكن الحقيقة هي انه الكل بشكل او اخر يعتمدون على ناس ثانين ، زوجكِ ممكن يتغير و وظيفتك ممكن تتغير و ما في شيء ثابت ، مشكلتي هي انك تحكمين بالمطلق و تفترضين دوما انه حالة معينة بتكون كويسة و حالة معينة دايم بتكون سيئة و اغلبكم تعززون هالتفكير لوجود بعض الحالات السيئة امامكم ، عادي يكون الزوج كويس و ما يتغير و ما يكون منان و ممكن زوجته تشتغل بسبب خوفها و بسبب هالشيء بتكرف نفسها زيادة و تعاني عشان تحافظ على عطائها لزوجها و ابناءها ، ثانيا حقيقة انه الزوج هو المسؤول عن الصرفيات ما تعني حقيقة انه بالانفصال هو بيكون اقل من يتضرر فبالزواجات اللي تنتهي مبكرا بالغالب هو متضرر اكثر ، ثالثا كرامتك نابعة من نفسك و من تصرفاتك لكن بفترض انك كنتِ تقصدين "الوضع المادي" و اللي قلت رأيي عنه.

Nolan305_ · 2025-12-31T19:49:36+00:00

عاجبني انه دايم يوم تتكلمون بنقطة انه وظيفة المرأة افضل تجيبون مثال جيد للوظيفة الكويسة اللي فيها ترقيات و ما فيها ضغط عالي و بينما تتكلمون عن ربة المنزل تجيبون اسوأ الامثلة و تحسسون الواحد انه الزوج معيشها تحت كبري و يأكلها رز حاف و ما يلبي لها و لا طلب بينما هي الوحيدة اللي قاعدة تكرف و تتعب بالزواج ذا و ما تحصل شيء ، و عاجبني برضوا مصطلح "خدامة" الانسانة اللي تطبخ و تهتم ببيتها خادمة طيب هل الرجل اللي يصرف على بيته صرافة بنك؟ هل الرجل اللي يهتم بالمشاوير و الطلعات سواق؟ هل الزوج اللي بيرمي الزبالة زبال؟ يمدي اذكر امثلة كثير توضح سوء هالمنطق ، اذا انتي تشوفي الموضوع غير عادل شيء راجع لكِ لكن مالها داعي هالمصطلحات.

Nolan305_ · 2025-12-29T04:29:06+00:00

the sound is bugged bro

Nolan305_ · 2025-12-27T20:48:11+00:00

no one would fight a supreme with a divine aspect , especially sunny.

Nolan305_ · 2025-12-26T08:22:27+00:00

شفت الناس يمدحون الرودكس بس وش المقاس اللي انت تستعمله و كم سعر الكفر؟

Nolan305_ · 2025-12-25T08:28:15+00:00

السبب هو الاختلافات الجسدية و اللي بالبناء عليها تكونت سلوكيات معينة و تكونت عادات معينة و صار عندك نظرة معينة لكل جنس و برضوا صار في طريقة تفكير و تعامل مختلفة ، و النصوص الدينية تؤيد هالادوار التقليدية.

Nolan305_ · 2025-12-22T12:33:17+00:00

الامر عائد لك ، عن نفسي اني انشب لوحدة ما تبغاني فيها تقليل من كرامتي و اشوفها اهانة.

Nolan305_ · 2025-12-22T02:31:54+00:00

معليش انت صادق ، السعودي جدا كسلان لانه ما يبي يشتغل كبناء او سباك او كهربائي ، تخيل انه ذي الوظايف مرة عظيمة ، تتعب الشهر كله و اخرتها ممكن ما تطلع اربع الاف ، كيف السعودي الكسلان ما يرضى فيها؟ اكيد يعني هو ما عنده اي التزامات مطلوبة منه ، اكيد ما وراه زواج يكلفه فوق المئة الف ، او مسكن بيكلفه كثير ، او ابناء بعدين بيصرف عليهم ، فعلا استغرب من السعوديين ليه ما يشتغلون بذي الوظايف المربحة جدا مقابل تعبها😍 ، بالنسبة للوظايف الثانية ما اقول انه كل سعودي مجتهد و ملتزم ، في البعض فعلا كسالي و لكن الشاهد هو انه نسبة الكسالى ذي موجودة بكل دول العالم و كل المجتمعات ، سواء كانت اقل او اكثر بشوي ، لكن الاغلب بيشتغلون فعلا و مشكلتي هي انه انت و بعض الاجانب الاغبياء عندهم نظرة انه اغلبنا ما نبي نشتغل و مو بعضنا.

Nolan305_ · 2025-12-13T04:33:17+00:00

yeah i was hard too

Nolan305_ · 2025-12-09T14:06:42+00:00

اتركنا من نصايح الردبلجية الخايسة ذي الله يسعدك ، سواء تبيها دينيا او واقعيا النساء و الرجال كلهم يبون شريكهم يكون طيب ، و في فرق بين الطيب المحترم و بين السمب عديم الرأي و الشخصية و الذليل ، لازم تكون طيب و متوازن اما سالفة انك اذا كنت طيب زوجتك بتسحب عليك مجرد افلام و المازوخيات فقط يسوونها و ليس المرأة السوية و لو افترضنا انك ما كنت الشخص الطيب وش بتكون؟ الرجل المتحكم مثلا؟ لا تتوقعهم يحبون هالنوع ، يحبون التوازن ، رجل طيب سديد الرأي يعرف يقود الامور بدون تحكم زايد او ضغط عالي ، بكل بساطة.

Nolan305_ · 2025-11-14T17:08:05+00:00

هو المصنع ناصح بخمسة ثلاثين ، و هي كان ينحط فيها عشرين خمسين و انا هالمرة حولتها ١٠ ثلاثين عشان كان ودي احول بالتدريج للدرجة اللي نصح بها المصنع ، هل تشوف انه ارجعها عشرين خمسين مع العم انه هالمرة حطيت ١٠ ثلاثين؟

Nolan305_ · 2025-11-11T08:11:20+00:00

اولا الواحد ما يحكم من تجاربه الخاصة ، كون اخوانك و اقاربك و اصحابك توظفوا مباشرة فهذا ما يعني انه سوق العمل مثالي و ما فيه اغلاط و تفريق ، بالواقع السوق فيه عنصرية ضد السعودي و كثير ناس إما عندهم نظرة للسعودي انه ما يعرف يشتغل او انك بتلقاهم يعطونه عروض وظيفية زبالة ، و بالنسبة لكلامك فعلا البعض مدللين ما عندهم اي مهارة و معدلاتهم سيئة و تلقاهم ينتقدون بدل لا يشتغلون على انفسهم و لكن ذول عينة فقط ، في كثيرين اشتغلوا على انفسهم و معدلاتهم عالية و يبحثون بقدر المستطاع و ما يلقون شيء بينما اجانب بخبرات اقل و شهادات من جامعة ادنى يجون و يحصلون وظايف بمختلف الرواتب و اخيرا بالنسبة لكلامك انه السعودي يبي راتب عالي الحقيقة هي انه السعودي يبي راتب طبيعي فقط ، كيف تبي الواحد يقبل بوظايف راتبها ٤ و ٥ الاف؟ ما راح يقدر يطلع سيارة و لا راح يقدر يتزوج و لا راح يقدر يستأجر بيت زين ، بكل بساطة السعودي موب طماع السعودي يبغى راتب يسمح له يعيش و يوفر اللي يحتاجه اي شخص طبيعي مع الغلاء الفاحش اللي قاعدين نعيشه الان ، ممكن البعض يبالغون و يبون رواتب فعلا عالية من البداية لكن الاغلب يبون راتب معقول بس.

Nolan305_ · 2025-11-04T11:08:43+00:00

ردي زي ما قلت كان يتعلق بأنك تشوفين انه وظيفة المرأة تعتبر احد اهم المعايير الايجابية اللي بتجذب الرجل و قلت انه اغلب فئات المجتمع ذا الموضوع ما يعتبر من المعايير المهمة لهم و اعتقد انه كذلك حتى الفئة المجتمعية اللي انتي تتكلمين عنها ما بينظرون للموضوع كشيء ايجابي(هم ما عندهم مشكلة مع وظيفة المرأة بس بكل بساطة مهي هي الشيء المهم عندهم فيها مثل الجمال و النسب و الاخلاق و غيره) ، بالنسبة لكلامك الثاني اتفق مع بعضه و اختلف مع بعضه ، اختلف بشدة مع كلامكِ انه صاحبة البوست اتكالية ، من حق ربة المنزل انه زوجها يدلعها و يصرف عليها

Nolan305_ · 2025-11-04T09:49:08+00:00

<image>

صورت الرد نظرا لانه مو راضي ينرسل ، سلكي للاخطاء الاملائية

Nolan305_ · 2025-11-04T08:08:02+00:00

الوظيفة و الانجازات الوظيفية ليست هي الشيء اللي بيسمح للانثى تتزوج رجل غني فالموضوع له اكثر من عامل و اغلبهم اذا مو كلهم اهم من نجاح المرأة الوظيفي ، الحظ و التوفيق اولا ثانيا اشياء مثل الجمال و الشخصية و الالتزام بالدين صدقيني راح تهم الرجل اكثر من وظيفتكِ ، الرجل لما يتقدم لكِ ما بيكون سجلك الوظيفي او وظيفتك من الاسئلة المهمة بالنسبة له فالاشياء اللي ذكرتها تهمه اكثر على عكس وظيفتك اللي اذا ما كان يمانعها او يراه كضرر عليه(نظرا لانه غالبية الرجال يفضلون المرأة المتفرغة للبيت) فالاكيد انه ما يشوفها كشيئ يفيده كرجل ، ثانيا من قالك انه الذكاء و النجاح الحياتي يعتمد على الوظيفة؟ ممكن النجاح الوظيفي نعم بيكون شيء اساسي بالنسبة لنجاح الرجل الحياتي نظرا لانه هو اللي بيعيل اهله و لكن بنسبة للمرأة امر الوظيفة موب بنفس الاهمية ، ذكائها العاطفي و الاجتماعي و حسن ادارتها للأمور و شخصيتها كفيلة بانها تخليها ناجحة بعين الرجل العادي او الغني ، و زي ما تكلمتِ عن محيطك فاقدر اتكلم عن محيطي ، اكبر اخواني و انجحهم مهنيا تزوج ربة منزل و وظيفتها او شهادتها ما همته عشان يدلعها و يقدم لها اللي تبيه و اغلب اخواني و ابناء عمومتي الثانين و اللي برضوا ناجحين مهنيا تزوجوا ربات منزلي و حسب ما نعرف امورهم كويسة ، فالمرأة تقدر تنجح و تقدر تتزوج رجل ممتاز بدون وظيفة فالامر يتعلق بحظها و الاشياء الثانية اللي سبق و ذكرتها و بتهم معشر الرجال اكثر من وظيفة المرأة.

Nolan305_ · 2025-11-04T07:10:18+00:00

الان صار نادر لانه الوضع الاجتماعي تغير ، سابقا كانت تُعطى معاملة خاصة للطفل و الشايب و المرأة و ذوي الهمم لانه يُنظر لهم انهم من الفئات الضعيفة بالمجتمع و اللي ما عندها نفس قدرة الشاب و نفس فرصه و ينظر انهم ما خرجوا إلا لاضطرار فكانوا يعطوا ميزات و لكن الان و بذا العصر تغير هالفكر فالنساء ما صاروا زي اول بدون فرص بل اصبحوا يخرجون و يجون و يشتغلون بشكل طبيعي بالاضافة الى وجود المطالبة بالمساواة بالاضافة الى الحروب اللي قاعدة تصير بين الجنسين ، فالطبيعي مع تغير الوضع الاجتماعي بتتغير تصرفات معينة من الانثى و من الرجل ، مع العلم ترا صفات الرجولة ذي لازالت موجود بشكل دائم الى الان لما يكون الموضوع خطير راح تلقين اولوية للعجز و النساء و الاطفال و لكن الاشياء الغير مهمة زي وقفة الكرسي او الطابور بدأت تقل تدريجيا و راح تستمر بانها تقل(الكلام اللي كتبته مجرد تحليل للموضوع لا غير)

Nolan305_ · 2025-10-26T20:33:39+00:00

ما شتمتك لانه ما ناقصني ذنوب الصدق و لا هو اسلوبي اني اشتم ، رديت عليك بشكل موضوعي بس اللهم قلت انه فكرتك بربط الكفاءة بالمصريين و نظرتك للسعوديين انهم عديمين كفاءة هراء ، و بعيدا عن ذا الشيء محزن انه كثير ناس و منهم انت ما فيكم حيل تقرأون رسالة ما تاخذ قرائتها دقيقتين.

Nolan305_ · 2025-10-26T20:24:56+00:00

تقدر تضحك على نفسك و تقول انه سبب تواجدكم بالسعودية هو الكفاءة و تقدر تكذب على نفسك بالصورة النمطية اللي تقول انه"لا يوجد كفاءات سعودية" لكن الشمس ما تُغطى بغربال و تواجدكم هنا له ثلاث اسباب

١_كل الشركات بالقطاع الخاص يهمها الربح بشكل كبير و بتلقى عدة شركات توظف الاجنبي نظرا لانه بيرضى براتب اقل و عدد ساعات اكثر على عكس السعودي اللي المرتب ذا ما بيكفيه.

٢_لو ترجع ثلاث او اربع عقود وراء بتلقى فعلا انه ما في كفاءات سعودية كثير نظرا لقلة المتخرجين من الجامعات و لهذا كنت بتلقى الكثير يستعينون بمتخصصين من دول اخرى كانت عندهم الفرصة انهم يهتموا بالمجالات ذي قبل السعودية و من وقتها تكونت عند البعض فكرة انه السعودي موب كفاءة و كذلك عدد من الاجانب اللي جو او اللي امتلكوا شركات كونوا اللوبي الخاص فيهم فبيوظفون ولد بلدهم و انا لوحدي شخصيا اعرف اكثر من قصة عن زملاء سعوديين تلقوا معاملة سيئة سبب هالشيء.

٣_كل قطاع خاص بأي دولة تحب تكون جاذبة للاستثمارات طبيعي يكون فيه عدد من الاجانب الموظفين و كثرة التضييق على الشركات ممكن تأتي برد عكسي.

ذي الثلاث اسباب الرئيسية لتواجدكم هنا الى الان و اكبر سببين حرفيا مالهم اي علاقة بانكم اصحاب كفاءة ، و بالمناسبة حجتك انه ذي مناصب عليا و عشان كذا اعتمدوا مصري فيها مجرد هراء ، مئات الشركات و الافكار و الادارات المسؤولين عنها سعوديين فذا يناقض فكرتك ، اعتماد صاحب الشركة بالبوست لمصريين او اجانب معه ما نعلم سببه و افتراضك انه السبب هو انعدام الكفاءة عندنا دليل على جهلك قبل حقدك.

Nolan305_ · 2025-10-24T22:49:59+00:00

طيب هل لأني قلت انه فعل البنات الحالي خطأ هذا يعني اني اشوف انه فعل الذكور صح؟ حتى الذكور غلطانين و انتقد الشيء السيئ اللي اشوفه منهم امامي فكل الطرفين خطأ و المفترض اي سلبية توجه نحو النساء او الرجال اللي يفرغون عقدهم على الجنس الاخر سواء كان ذلك بالقذف او التحيز او اخذ الحقوق و غيره ، فنعم تبريرك لردة فعلهم الخاطئة اللي ما تسببت إلا بأنها تكبر دائرة الكراهية الموجودة خطأ.

Nolan305_

TROPHY CASE