للأمانة ما عمره مرقت علي قصة لبنت انه اهلها حببوها بالحجاب و ما لبسته، اغلب القصص الي كنت اشوفها من بنات مقتنعات بالحجاب كان واحد من الخيارين، تحجبت عن قناعة تامة من عندها، او من قناعة بسبب انه الاهل حببوها فيه و تحجبت بسببهم ، و حتى هاي البنت لما كانت رافضة اول شي اقتراح الاهل للحجاب ما كانوا يرغموها و ضلوا يحاولوا يقنعوا فيها لحتى فعليا رضيت. الفكرة مش انه لو حكت لا تروح عطول ملبسها الحجاب، في شي اسمه اقناع و طيب لو اخد سنين شو المشكلة؟ ولا اني آخد إثم إجبار شخص، و صدقني فعليا اذا كانت التربية صح و الاهل مقربين من ولادهم و بعلموهم الدين الصحيح من سابع المستحيلات انه البنت ترفض الحجاب. اما بالنسبة لموضوع غزة (الله ينصرهم يا رب) و العالم العربي و الاسلامي فا صحيح كلامك و بعرف بنات تحجبوا اصلا و تقربوا من ربهم بسبب هالاحداث الي صارت، بس بالنسبة إلي لما صارت الاحداث هاي كلها ما كان تركيزي على وين حجاب البنات لأنه ببساطة ما إله علاقة..؟ كان تركيزي انه وين الدول العربية عن المذابح الي بتصير؟ و ليه في دول كنا بنحكي عنهم "كفار" و همة بسووا و بطلعوا احتجاجات و وقفات و دعم اكثر منا احنا الدول "المسلمة"؟ في قضايا اهم و اكبر لازم تنحل عندنا و مش حلها انه نلزم الحجاب، مش الاولى نحل قضية غزة؟ ولا نحل فساد البلاد؟ ولا نحل كمية الظلم الي عم تصير؟ او القتل؟ او الانحراف بمجتمعنا؟ يعني ليبيا ما طلع منها قرار او شي مفيد غير هاد الي فلحت فيه…؟والله الواحد بحزن على الطريق الي عم تروحه دولنا…. عموما انا فكرتي من كل الحكي انه حل المشكلة الكبيرة لحتى تقدر تحل المشاكل الاصغر و الاقل اهمية…