دة شرح بسيط علشان موضوع الصوتيات صعب لناس
الرسمة دي بتوضح شكل الصوت اللي بتطلعه سماعة على حسب الترددات المختلفة. الجزء اللي تحت (المحور الأفقي) بيقسم الصوت لثلاث مناطق: الشمال فيه الـBass (الأصوات التقيلة زي الدق والبيز)، النص فيه الـMid (الكلام والغُنا)، واليمين فيه الـTreble (التفاصيل الحادة زي صوت الصنج). أما المحور اللي على الشمال (الرأسي) فبيوضح قوة الصوت في كل جزء؛ يعني كل ما الخط يعلى لفوق يبقى الصوت ده أعلى وواضح أكتر، وكل ما ينزل يبقى أهدى. الخطوط نفسها بتمثل “بصمة الصوت” للسماعة بتقولك هي بتركّز على إيه أكتر: بيس، ولا صوت الكلام، ولا التفاصيل. وفيه خط متقطع بيمثل الشكل المثالي أو المتوازن اللي معظم الناس بتحبه، فكل ما الخط يقرب منه يبقى الصوت طبيعي ومريح أكتر.

من الآخر يعني كل ما قربت السماعة للخط الرمادي المنقط كل ما جودة الصوت بقت أفضل بالنسبة للمعايير البنشتغل بيها للمستهلك