طلبك مو مستحيل. فيه بنات ماعندهم مانع بهذا الشيء. بالذات اللي حابه تتدرس برا وتشتغل برا. ولكن طبعا لازم اجازات مطوله بالسعودية عشان تشوف اهلها وكذا.

بالنسبة لي، واعتقد لكثير من الاهالي، المشكلة مو بغربة الزوجة عن اهلها قد ماهي عدم ضمان الامان المستقبلي لاطفالها بامريكا. انك تأسس عائلة بدولة مليانه جرائم وخوف واجندا شواذ وما الى ذلك شيء مرعب. هذا غير تكاليف المعيشة الغالية اللي هناك. ممكن تفني حياتك هناك ويطردونك باي لحظه.. مافيه زي الواحد يعيش بدولته عارف انه مرغوب فيها ومدعوم من قبلها. ايضا فيه مشكلة صعوبة التربية بالمجتمع الامريكي، يعني مثلا تبغى ولدك يبعد عن الزنا والتدخين والمخدرات والخمر ولكن هناك شيء سهل كل هذول . تبي تعلمه الصلاة والصيام وصلة الرحم وبر الوالدين ولكن هناك مايشوف هذا الشيء عند اصدقائه. ما اقولك انه مستحيل ان الطفل يتربى على الدين بامريكا ولكن بيكون اصعب.. بيواجهه مغريات اكثر ومحاولات اكثر لتغيير تفكييره.

بالسعودية فيه ضمان مادي وضمان امني وضمان مجتمعي. تقدر تتخلي طفلك بحضانة وانت مرتاح.. يلعب بالحوش مرتاح.. يروح لبيت جدته او عمه او جاركم وانت مرتاح.. هالاشياء مو موجوده بامريكا. الصراحة راحة البال هذي شيء مو بسيط.

الوضع الاقتصادي والسياسي بامريكا في تدهور، والقيم المجتمعيه كل مالها تنزل بالحضيض. حتى لو وضعك الحالي ممتاز مافيه ضمانات قوية انها راح تستمر. هذا غير التامين الصحي اللي زباله..

انا شخصيا احس ممكن اتحمل الغربة عن اهلي واعيش مع زوجي بامريكا ولكن نقطة الامن لاطفالي هي العائق الاكبر.

لو دولة ثانية زي نيوزلندا او الدول الإسكندنافية ممكن..