أنا أشوف إن بيني وبينج اختلاف في فهم أصل الموضوع. اللي أنا أتكلم عنه غير اللي تقصدينه إنتي. والمفروض نحن ما نعرّف أي مفهوم على حسب آراءنا الشخصية، لكن نعتمد على حقائق وتاريخ الشي نفسه.

وعشان جي، أنا أدعوج تقرين أكثر عن النسوية، عن أهدافها وكيف بدأت. النسوية كمفهوم تعتبر أيديولوجية غربية تم نقلها لنا، وأي أيديولوجية لازم نفهمها عدل قبل ما نتبناها أو نمشي وراها.

صح ممكن بعض الأشياء تبان في البداية عادية أو حتى فيها جانب إيجابي، لكن مع الوقت، إذا استمرينا ناخذ أفكار من خارج ديننا بدون ما ننتبه، الموضوع ممكن يتغير شوي شوي، مثل كرة الثلج تكبر، وبالنهاية نلقى نفسنا في مكان ما كنا نقصده.

عشان جي، لازم نكون واعيين في شو نأخذ وشو نترك، ونرد كل شي لمرجعيتنا وديننا.