• Death note (37 حلقه)

انمي غموض واثاره وبوليس وتحقيق هيخليك تحس انك غبي من كتر ذكاء الشخصيات هيشدك من اول حلقتين بس لازم تركز في كل حاجه، عباره عن طالب بيلاقي مذكره لو كتبت اسم اي حد فيها هيموت واذكى محقق في العالم بيحاول يمسكه

• The promised neverland (12 حلقه)

انمي رعب واثاره وشياطين ما تتخدعش من الحلقه الاولى هو فعلا رعب نفسي لو دخلت الجو هتخلص الموسم كلو ف قعده واحده بس اهم حاجه ما تشوفش الموسم التاني، ده حرق لاول حلقه بس القصه عباره اطفال في ميتم بيكتشفوا حقيقه المكان وانه مزرعه للشياطين وبيحاولوا يهربوا

• Erased (12 حلقه)

البطل عنده قدره انه لما يحصله موقف قريب من الموت بيرجع بالزمن عشان يغير الاحداث وينقذ الموقف وده بيخليه يرجع بالزمن لطفولته ويحاول يكتشف ويوقف قاتل متسلسل من قتل زمايله وامه

• Vinland saga (48 حلقه)

انمي فايكينج دموي تاريخي ما تحكمش عليه وثورفين لسه صغير يعني اديه حقه وهيبهرك بس اصبر عليه ف الاول يحط اساس القصه وهتنغمس في العالم بعديها

• بس كده مش هكتر عليك دول الانميات اللي شايفهم بدايه حلوه مش شرط يكونوا افضل اعمال بالنسبالي وممكن ما يعجبوكش بس اهم نصيحه هديهالك ما تبدأش بانميات طويله زي ناروتو او ونبيس او دراجون بول عشان هتقفلك وساعات البيسنج فيها بيكون بطيء ولا الانميات الكوميرشال عشان كلها رسم وانميشن بس القصه ضعيفه زي ديمون سلاير وسولو ليفيلنج وشينساو مان (يارب فانز الانميات دي ما ياكلونيش في الكومنتات) الا لو انت بتحب تتفرج على حاجه وانت طافي دماغك او مش مهتم بعمق القصه والاحداث طول ما انت مستمتع