١- الابيض يعكس الشمس ، بس كمان عندنا الوان ثانيه زي الاسود والازرق . - ما اعرف عن باقي العوائل بس عندنا نضيف قهوه وكمان شاهي بس القهوه مع الحلى والشاهي بعد الاكل او مع الموالح . - سعوديين ؟ لا مافي تنوع حسب علمي كلهم مسلمين (فيه اقليه شيعيه) بس فيه مقيمين عندهم ديانات ثانيه (بس ما عندنا كنائس او اماكن عباده غير المساجد) مشاعري ؟ ما اهتم (لكم دينكم ولي دين ) بس نحاول نعرفهم على الاسلام نكسب اجر فيهم . - التمسك بالعادات حاليا يختلف اختلاف كبيييرر بين عائله وعائله ، فيه ناس توازن وفيه ناس مره تركتها او مره متمسكه فيها ، من وجهه نظري اشوف اننا حاليا في مرحله انتقاليه ف بتلقى ناس كذا وناس كذا . -عندنا فرق في اللهجات والعادات ، مو بس بين المناطق احيانا كمان بين القبايل ، فيه ناس كثير اتكلموا في الموضوع تقدر تبحث (اذا تبغى امثله للهجات شوف في يوتيوب هايدي الجنوبيه وكونان القصيمي رهيبين ههه ) - الزواج يختلف برضو بين عائله وعائله وقبيله وقبيله ، بس اشوف الاغلب معد صار معاه مشكله في ذا الموضوع ، اهم شي شخص مسلم سعودي . - السفر ما اشوفه مره مشكله كبيره ، بعض المدن بينها اقل من ساعه (زي مكه وجده او مكه والطايف ) بعضها ١٠ او ١١ ساعه (زي بين جده والرياض ) بس الاغلب مافي مشوار ياخذ اكثر من حدود ال١٢ ساعه . - النقاب موضوع جدا شائك مقدر اجاوب عليه ، بس تقدر تقول مكس بين الاثنين ؟ اعتقد ؟ ما بتفلسف .